మంచు ఫ్యామిలీ నుండి వచ్చిన హీరో విష్ణు తన సత్తా చాటాలని రకరకాల ప్రయత్నాలు చేస్తూనే ఉన్నాడు. కెరియర్ లో ఢీ, దేనికైనా రెడీ తప్ప మిగతా వన్నీ సాదాసీదాగా ఆడినవే దూసుకెళ్తాతో పర్వాలేదనిపించుకున్నా మంచు విష్ణు వరుసెంట సినిమాలు చేస్తూనే ఉన్నాడు. లాస్ట్ ఇయర్ డైనమెట్ అంటూ వచ్చిన విష్ణు ఆ సినిమా సక్సెస్ కొట్టడంలో విఫలమవ్వడంతో ఇప్పుడు ఈడోరకం ఆడోరకం సినిమాతో మరోసారి తన అదృష్టాన్ని పరిక్షించుకోబోతున్నాడు.
మంచు విష్ణు, రాజ్ తరుణ్ కలిసి నటిస్తున్న ఈ సినిమా ఓ పంజాబి సినిమా రీమేక్ గా వస్తుంది. ఫుల్ కామెడీ ఎంటర్టైనర్ గా రాబోతున్న ఈ సినిమాతో మరోసారి సాహసం చేస్తున్నాడు విష్ణు. ఓ పక్క ఏప్రిల్ 8 సర్దార్ సైరన్ మోగిస్తుంటే మరో పక్క ఇదే నెల 22న సరైనోడు గా అల్లు అర్జున్ పంజా విసరబోతున్నాడు. అయితే ఈ రెండు సినిమాల మధ్యలో ఉన్న వారంలో అనగా ఏప్రిల్ 14న తన సినిమా రిలీజ్ చేస్తున్నాడు మంచు విష్ణు. అంతేకాదు విజయ్ తేరి తెలుగులో పోలీసోడుగా సత్తా చాటేందుకు ఈసారి దిల్ రాజు ద్వారా తెలుగులో కూడా గ్రాండ్ రిలీజ్ చేస్తున్నాడు. విజయ్ పోలీసోడు విష్ణు, రాజ్ తరుణ్ ల ఈడోరకం ఆడోరకం ఒకేరోజు రిలీజ్ అవ్వడం జరుగుతుంది.
మరి సినిమా ఎంత ఎంటర్టైనింగ్ గా ఉన్నా ఈ పోటీలో మంచు విష్ణు నిలబడగలుగుతాడా లేడా అన్నది చూడాలి. సోనారిక బడోరియా, హెభా పటేల్ నటించిన ఈ సినిమాను జి.నాగేశ్వర రెడ్డి దర్శకత్వం వహించారు.
