పోలీసు వాహనంతో సహా రాజమండ్రిలో దగ్ధమైన ఆరు వాహనాల మిస్టరీని ఆధారం చేసుకుని, గోదావరి పుష్కరాల మొదటిరోజు తొక్కిసలాటలో 27 మంది మరణాలనీ అనుమానాస్పద లేదా విద్రోహ చర్యగా చూపించే కోణం ఒకటి మీడియా ముందుకి వస్తోంది .

“పదకొండు రోజులు అపూర్వంగా సహకరించారు. ఇంకొక్కరోజు వుంది. కాస్త అప్రమత్తంగా వుండాలి. అనుమానానాస్పద పరిస్ధితులు వుంటే పోలీసుల దృష్టికి తీసుకురావాలని ప్రజలకు విజ్ఞప్తి చేస్తున్నాను” అని రాష్ట్రప్రభుత్వ కమ్యూనికేషన్ల సలహాదారు డాక్టర్ పరకాల ప్రభాకర్ విలేకరులతో అన్నారు. ”ఏదైనా జరగవచ్చన్న ఎలర్ట్ వుందా” అన్న ప్రశ్నకు ”అదేమీలేదు ముందు జాగ్రత్తకోసమే తెలిసిన సమాచారాన్ని వెల్లడించడం వల్ల దర్యాప్తుకి అవరోధం కలగవచ్చు”అన్నారు.

విద్యుత్ షార్టు సరూ్క్యటు, సిలెండరు పేలుడు, విద్రోహచర్య మొదలుగా అన్నికోణాలనుంచీ అంబేద్కర్ విగ్రహంవద్ద అగ్ని ప్రమాదంపై దర్యాప్తు జరుగుతోంది. ఈ సందర్భంగా తెలుగుదేశాన్ని బలపరచే రెండు చానళ్ళలో ఒక చానల్ ఎకూ్ల్సజివ్ అంటూ ప్రమాద స్ధలం వద్ద ఒకవాహనాన్ని కొందరు తోసుకుని లాగుకుని కదలిస్తున్న క్లిప్పింగును చూపించింది. ప్రమాదకారణాలు ఏమీలేని ఈ క్లిప్పింగ్ ప్రయోజనమేమిటి అనే అనుమానం వస్తుంది. సిసి కెమేరా చిత్రీకరించిన ఈ వీడియోను సెంట్రల్ కంటో్రలు రూమ్ మాత్రమే ఇవ్వగలదు. పెద్దస్ధాయి వ్యక్తుల ప్రమేయం లేకుండా ఇది ”లీక్” అయ్యే అవకాశమే లేదు.
ముఖ్యమంత్రి తీర్ధవిధులు నిర్వహిస్తున్న సమయంలో గంటల తరబడి క్యూలను ఆపివేసి చంద్రబాబు వెళ్ళిపోగానే గేటు తెరవడం వల్లే తొక్కిసలాట జరిగిందని పోలీసు ఉన్నతాధికారులు సైతం వివరించారు. అగ్గిప్రమాదం తరువాత మొదలైన ”అన్ని”కోణాల దర్యాప్తూ మొదటి రోజు దుర్ఘటనకు కూడా ఆపాదిస్తున్నారు. దీని ఫలితంగానే “ఆరోజు విద్యుత్ తీగలు తెగిపడ్డాయని ఎవరో వదంతి సృషించడం వల్లే తొక్కిసలాట జరిగిందనన్” వాదన రెండురోజులుగా ప్రచారం లోకి వచ్చింది. వివరణ అడిగితే అన్నికోణాలూ దర్యాప్తు చేస్తున్నాం అనిమాత్రమే పోలీసు అధికారులు చెబుతున్నారు.

అన్నికోణాలూ చూడటం పోలీసుల బాధ్యతే… ”ఫలానా కోణం నుంచి కూడా చూడాలి” అని పోలీసుబాసుల్ని నడిపించే రాజకీయ నాయకత్వం సూచిస్తే దర్యాప్తు ముగింపి ఎలా వుంటుందో ఎవరైనా ఊహించవచ్చు.

ప్రతి పదం ఎంతో అర్ధవంతంగా వుండేలా ఆచితూచి మాట్లాడే పరకాల ప్రభాకర్ మీడియా సమావేశంలో ”ఇంకొక్కరోజే ఎందుకైనా మంచిది జాగ్రత్తగా వుందాం” అనడంలో దర్యాప్తు లో కొత్త కోణాలను నిగూఢంగా సూచిస్తోంది.”పుష్కరాల ఏర్పాట్లు అద్భుతం, అమోఘం, అపూర్వం, సంపూర్ణంగా సంతృప్తికరం అని 95 శాతంకంటే హెచ్చు మంది యాత్రికులు పాజిటివ్ ఫీడ్ బ్యాక్ ను విశ్లేషించిన పరకాలకు చివరిరోజు అప్రమత్తంగా వుండాలి అనే హెచ్చరిక ప్రజలను భయాందోళనలకు లోను చేయదని బాగాతెలుసు.

మనం అనుకోని ఏదో కోణం కూడా తొక్కిసలాటలో వుందని మీడియాకు ముందస్తు సూచన ఇవ్వడమే రాష్ట్రప్రభుత్వ కమ్యూనికేషన్ సలహాదారు ప్రయోజనం అనిపిస్తోంది.