ప్ర‌తినాయ‌కుడిగా మారాక‌.. జ‌గప‌తి బాబు కెరీర్ స్థిమిత‌ప‌డింది. లెజెండ్‌, శ్రీ‌మంతుడు, నాన్న‌కు ప్రేమ‌తో విజ‌యాలు జ‌గ‌ప‌తిలో కొత్త ఉత్సాహాన్ని రేకెత్తించాయి. క్యారెక్ట‌ర్ ఆర్టిస్టుగా జ‌గ‌ప‌తి ప్ర‌యాణం.. సూప‌ర్బ్‌గా సాగుతోంది. ఆయ‌న అడిగినంత పారితోషికం కూడా ఇవ్వ‌డానికి కూడా నిర్మాత‌లు రెడీ అంటున్నారు. సంపాదించుకొనే మూడ్‌లో ఉన్న జ‌గ‌ప‌తి.. అందులో భాగంగానే ఇప్పుడు ఓ స‌రికొత్త స్కెచ్ వేస్తున్నాడు.

జ‌గ‌ప‌తిబాబు త్వ‌ర‌లోనే ఓ వెబ్‌సైట్‌ని ప్రారంభిస్తున్నాడ‌ట‌. అందులో సినీ రంగంలోకి కొత్త‌గా ప్ర‌వేశించాల‌నుకొంటున్న వాళ్ల వివ‌రాల్ని పొందుప‌రుస్తాడ‌ట‌. 24 విభాగాల‌కూ సంబంధించిన ప్ర‌తిభావంతులు త‌మ పూర్తి వివ‌రాల్ని ఈ సైట్‌లో భ‌ద్ర‌ప‌రుచుకోవొచ్చు. కొత్త టాలెంట్‌ని వెతికి ప‌ట్టుకొందామ‌నుకొంటున్న ద‌ర్శ‌కులు, నిర్మాత‌లు ఈ వెబ్‌సైట్‌ని సంప్ర‌దిస్తే చాలు. త‌మ‌కు న‌చ్చిన వాళ్ల‌ను ఎంచుకోవొచ్చు. ఒక విధంగా టాలెంట్ సెర్క్ చేసి.. వాళ్ల వివ‌రాల్నీ ఓచోట భ‌ద్ర‌ప‌రస్తాడ‌న్న‌మాట‌. అలా వెబ్‌సైట్‌లో ఒకొక్క‌రికీ ఒక్కో పేజీ కేటాయించాల‌న్న‌ది జ‌గ‌ప‌తి ప్లాన్‌. అలా కేటాయించినందుకు.. కొంత మొత్తాన్ని వ‌సూలు చేస్తారు. జ‌గ‌ప‌తి పేరుతో ఉన్న వెబ్ సైట్ కాబ‌ట్టి ఆద‌ర‌ణ బాగుంటుంది. దాంతో డ‌బ్బులూ బాగా వ‌స్తాయి. దాంతో పాటు.. స‌మాజానికి సేవ చేస్తున్న‌ట్టు క‌ల‌రింగూ ఇవ్వొచ్చు. ఇదీ బాబుగారి ప్లానింగ్‌. సూప‌ర్బ్ క‌దూ.