డేరింగ్ అండ్ డ్యాషింగ్ డైరక్టర్ పూరి అవతల మనిషిలో ఉన్న టాలెంట్ ను ఇట్టే పట్టేస్తాడు. అందుకే పూరి చాయిస్ ఎప్పుడు పర్ఫెక్ట్ అనిపించుకుంటుంది. ప్రస్తుతం రోగ్ సినిమా షూట్ లో ఉన్న పూరి తర్వాత నందమూరి కళ్యాణ్ రామ్ తో చేయబోయే రీమిక్స్ సినిమాకు రెడీ అవుతున్నాడు. అయితే ఈ సినిమాకు మెగా వారసురాలు నిహారికను తీసుకుంటున్నాడట. ఏంటి కళ్యాణ్ రామ్ తో నిహారిక జోడీ కడుతుందా అని కంగారు పడాల్సిన అవసరం లేదు. పూరి నిహారికలోని డబ్బింగ్ టాలెంట్ ను రీమిక్స్ సినిమా కోసం వాడేందుకు సిద్ధమయ్యాడట.
ఇప్పటికే బుల్లితెర మీదే కాదు ముద్దపప్పు ఆవకాయ్ అంటూ వెబ్ సీరీస్ లో కూడా అదరగొడుతున్న నిహారిక వాయిస్ కు పూరి ఫిదా అయ్యాడట. అందుకే ఆమె చేత హీరోయిన్ కు డబ్బింగ్ చెప్పించే ఏర్పాట్లు చేస్తున్నాడట. ఇంతకుముందు లోఫర్ సినిమాకే ఈ ప్రయోగం చేద్దామని ప్రయత్నించినా కుదరలేదు అందుకే ఈసారి తప్పకుండా రీమిక్స్ కోసం నిహారిక వాయిస్ ను వాడుతున్నారట పూరి. మరి పూరి డైరక్షన్, కళ్యాణ్ రామ్ యాక్షన్, నిహారిక వాయిస్ ఓవర్ ఇలా డిఫరెంట్ కాంబినేషన్ లో వస్తున్న ఈ సినిమా ఎలాంటి ఫలితాన్నిస్తుందో చూడాలి.
