లేడీ డైరక్టర్ గా తన టాలెంట్ ఏంటో చూపిస్తున్న నందిని రెడ్డి ఇప్పుడు మరో క్రేజీ ప్రాజెక్ట్ కు రంగం సిద్ధం చేసుకుంటుంది. మొదటి సినిమా అలా మొదలైందితో విమర్శకుల ప్రశసంలు పొందిన ఈమె రెండో ప్రయత్నంగా చేసిన జబర్దస్త్ సినిమాతో అపవాదాలు పడాల్సి వచ్చింది. అందుకే కొంతకాలం గ్యాప్ తీసుకుని కళ్యాణ వైభోగమే సినిమాతో తానేంటో మరోసారి నిరూపించుకుంది.
నందిని తన తర్వాత సినిమా ప్రయత్నాల్లో ఉంది. ఆ క్రమంలోనే లవర్ బోయ్ నితిన్ కోసం ఓ కథ సిద్ధం చేసిందట. కథ విన్న నితిన్ ఆమెకు గ్రీన్ సిగ్నల్ ఇచ్చాడని సమాచారం. ప్రస్తుతం నితిన్ త్రివిక్రం శ్రీనివాస్ దర్శకత్వంలో అ..ఆ మూవీ చేస్తున్నాడు. శరవేగంగా షూటింగ్ జరుపుకుంటున్న ఈ సినిమాను మే 6న రిలీజ్ చేసే ఆలోచనలో ఉన్నారు దర్శక నిర్మాతలు.
తన ఇమేజ్ కు తగ్గట్టు ఓ మంచి లవ్ స్టోరీ చెప్పడంతో వెంటనే ఆమెకు ఇంప్రెస్ అయ్యాడట నితిన్. అ..ఆ రిలీజ్ అయ్యాక వెంటనే ఈ సినిమా స్టార్ట్ చేసే ఆలోచనలో ఉన్నారు. మరి ఈ క్రేజీ కాంబోగా రాబోతున్న ఈ సినిమాకు సంబంధించిన మిగతా స్టార్ కాస్ట్ అండ్ క్రూ ఎవరన్నది త్వరలో వెళ్లడయ్యే అవకాశం ఉంది.
