ఓ స్టార్ హీరో సినిమా వస్తుంది అంటే ఆ హీరో అభిమానులంతా ఓ పండుగలా ఫీల్ అవుతారు. ఇక సౌత్ లో క్రేజీ ఫాలోయింగ్ ఉన్న పవర్ స్టార్ పవన్ కళ్యాణ్ సినిమా అయితే ఆ లెక్కే వేరు. వారం నుండి హడావుడి చేస్తున్న ఈ సర్దార్ మేనియా భీమవరంలో సరికొత్తగా సాగుతుంది. ఓ వీరాభిమాని ఏకంగా తన హోటెల్ లోని ఐటమ్స్ కు సర్దార్ టైటిల్స్ పెట్టేయడం జరిగింది.
సర్దార్ గబ్బర్ సింగ్ ఆఫర్ అంటూ ఆ హోటల్ మెను కార్డ్ లో అక్కడ లభించే స్పెషల్స్ అన్ని సర్దార్ మేనియాలో మునిగితేలేలా చేశాడు. సర్దార్ స్పైస్ రైస్ తో మొదలుకొని.. బుల్లెట్ స్నాక్స్, డిఎస్పి కర్రీ, కాజల్ కర్డ్ రైస్ అంటూ తమ అభిమానాన్ని చాటుతున్నారు. అంతేకాదు మా ఆఫర్ కు కొంచం తిక్కుంది కాని దానికో టేస్ట్ ఉంది అంటూ సర్దార్ రచ్చను హోటెల్ మెనులో చేర్చి సినిమా ఫీవర్ ఎలా ఉందో తెలియచేస్తున్నారు. ప్రపంచ వ్యాప్తంగా 3000 థియేటర్స్ లో రిలీజ్ అవుతున్న పవర్ స్టార్ సర్దార్ గబ్బర్ సింగ్ సినిమా ఎలా ఉండటం పక్కన పెడితే అది రిలీజ్ కు ముందే సృష్టించే సంచలనాలే అదరగొట్టేస్తున్నాయి.
