ప‌వ‌న్ క‌ల్యాణ్ అభిమానుల‌కు శుభ‌వార్త‌. స‌ర్దార్ – గ‌బ్బ‌ర్ సింగ్ టాక్ వ‌చ్చేసింది. సినిమా సూప‌ర్ హిట్ అయిపోయింద‌ని.. స‌మాచారం. యూఏఈలో ఆల్రెడీ బెనిఫిట్ షోలు ప‌డిపోయాయి. సినిమా చూసిన‌వాళ్లంతా.. ముక్త కంఠంతో ఈ సినిమా సూప‌ర్ హిట్ అంటున్నారు. అంతేకాదు.. ప‌వ‌న్ సినిమా వంద కోట్లు కొల్ల‌గొట్ట‌డం ఖాయ‌మ‌ని, వ‌వ‌న్ కెరీర్‌లోనే ఇది బిగ్గెస్ట్ హిట్ అవుతుంద‌ని జోస్యం చెబుతున్నారు. యూ ఏ ఈ లో సినిమా చూసిన‌వాళ్లు.. ట్వీట్లు మీద ట్వీట్లు చేసి హంగామా సృష్టిస్తున్నారు. ఇది ప‌క్కా పైసా వ‌సూల్ సినిమా అని, ఫ‌ఫ్టాఫ్ అదిరిపోయింద‌ని, ప‌వ‌న్ వ‌న్ మ్యాన్ షో చూపించాడ‌ని అంటున్నారు. డైలాగులు కూడా.. సూప‌ర్బ్‌గా పేలాయట‌. దేవిశ్రీ అందించిన బ్యాక్ గ్యౌండ్ స్కోర్ హైలెట్ అంటున్నారు. అంతే కాదు.. యాక్ష‌న్ ఎపిసోడ్స్ ఊడా అదిరిపోయాయ‌ట‌. మొత్తానికి ప‌వ‌న్ ఫ్యాన్స్ ఫుల్ ఖుషీ. బెనిఫిట్ షో అంటేనే ఫ్యాన్స్ కోసం. ఫ్యాన్స్ అన్నాక అలానే మాట్లాడ‌తారు మ‌రి. అస‌లైన రిపోర్ట్ తెలియాలంటే.. రేపు పొద్దుట వ‌ర‌కూ ఆగాల్సిందే.