మాస్ మహరాజ్ రవితేజ ప్రస్తుతం రేసులో కాస్త వెనుక పడ్డా తను చేస్తున్న సినిమాల మీద మరింత జాగ్రత్తలు తీసుకుంటున్నాడు.. తన లేటెస్ట్ బెంగాల్ టైగర్ తన పరువుని కాపాడేలా చేసిన రవితేజ సూపర్ హిట్ కొట్టి చాలా రోజులైందని అసంతృప్తిలో ఉన్నారు అభిమానులు. తను చేస్తున్న రాబిన్ హుడ్ మీద నమ్మకంగా ఉన్నాడు రవితేజ. చక్రి దర్శకత్వంలో వస్తున్న ఈ సినిమా రంజిత్ మూవీస్ బ్యానర్ లో దామోదర ప్రసాద్ నిర్మిస్తున్నారు. రాశి ఖన్నా హీరోయిన్ గా చేస్తున్న ఈ సినిమాతో మరోసారి తన సత్తా చాటాలనుకుంటున్నాడు రవితేజ.
అయితే ఈ సినిమా తర్వాత తను మరోసారి పూరి జగన్నాథ్ తో సినిమా చేస్తున్నట్టు తెలిపారు రవితేజ. పూరి సినిమా ప్రస్తుతం కథా చర్చల్లో ఉందని..చేస్తున్న రాబిన్ హుడ్ పూర్తి కాగానే పూరితో సినిమాకు సిద్ధమే అని అన్నారు. పూరి కూడా ప్రస్తుతం రోగ్ ను పూర్తి చేసే క్రమంలో ఉన్నాడు. ఆ తర్వాత కళ్యాణ్ రాంతో రీమిక్స్ సినిమాకు రెడీ అయ్యాడు. సో రవితేజ, పూరి కలిసి మరోసారి సినిమా చేయనున్నారన్నమాట.
ఇట్లు శ్రావణి సుబ్రమణ్యం, ఇడియట్, అమ్మానాన్న ఓ తమిళ అమ్మాయి, నేనింతే లాంటి సూపర్ హిట్ అందుకున్న ఈ క్రేజీ కాంబోలో మరో సినిమా అంటే ఆడియెన్స్ లో ఓ రేంజ్ లో అంచనాలు ఉంటాయి. మరి ప్రస్తుతం కమిట్ అయిన వారి వారి ప్రాజెక్ట్స్ పూర్తి చేసుకుని త్వరలోనే ఈ క్రేజీ కాంబో సినిమా స్టార్ట్ అవ్వాలని ఆశిద్దాం.
