అఖిల్ ఇప్పుడు రెండో సినిమా ప‌నుల్లో బిజీగా ఉన్నాడు. క‌థ ఆల్రెడీ సెట్ట‌యిపోయింది. ద‌ర్శ‌కుడిగా వంశీపైడిప‌ల్లి దాదాపు ఖాయ‌మైపోయాడు. ఇప్పుడు గెట‌ప్పుల వేట‌లో ఉన్నాడు అఖిల్. రెండో సినిమాలో ఎంత స్టైలీష్‌గా, ఇంకెంత కొత్త‌గా క‌నిపించాలా అని ప్లానుల మీద ప్లానులు వేస్తున్నాడు. గెట‌ప్పుల విష‌యంలో స‌ల‌హా అడ‌గ‌డానికి అఖిల్ ఓ హీరోని కూడా ఎంచుకొన్నాడు. అత‌నెవ‌రో కాదు.. త‌మిళ స్టార్ సూర్య‌.

గ‌జిని సినిమా చూసి.. అఖిల్ పిచ్చెక్కిపోయింద‌ట‌. హీరో అంటే ఇలా ఉండాలి.. అనిసూర్య‌ని చూసి అనుకొన్నాడ‌ట‌. అప్ప‌టి నుంచీ అఖిల్ సూర్య ఫ్యాన్ అయిపోయాడ‌ట‌. ఈ విష‌యాన్ని అఖిలే స్వ‌యంగా చెప్పాడు. కొద్ది సేప‌ట క్రితం హైద‌రాబాద్‌లో సూర్య న‌టించిన 24 సినిమా పాట‌లు విడుల‌య్యాయి. ఈ కార్య‌క్ర‌మానికి అఖిల్ కూడా వ‌చ్చాడు. ”సూర్య‌సార్.. మీ గెట‌ప్పులు అదుర్స్‌. సినిమా సినిమాకీ కొత్త‌గా క‌నిపిస్తారు.ఆ ర‌హ‌స్యం ఏమిటో మిమ్మ‌ల్ని అడిగి తెలుసుకొంటా. నా రెండో సినిమాకి సంబంధించి గెట‌ప్పుల విష‌యంల మిమ్మ‌ల్ని స‌ల‌హా అడుగుతా” అంటున్నాడు. అఖిల్ స‌ర‌దాకే అన్నా.. సీరియ‌స్‌గా త‌న లుక్స్ ఛేంజ్ చేయ‌డంలో మాత్రం బిజీగా ఉన్నాడ‌ని టాలీవుడ్ టాక్‌. ఈసారి అఖిల్ ఎలా క‌నిపిస్తాడో, ఆ గెట‌ప్పుపై సూర్య ఎఫెక్ట్ ఎంత వ‌ర‌కూ ఉంటుందో చూడాలి.