తెలుగు సినిమా క‌థ విష‌యంలో కొత్త పుంత‌లు తొక్కుతుందో లేదో తెలీదుగానీ… ప్ర‌చారం విష‌యంలో మాత్రం మ‌నం ఎవ్వ‌రికీ తీసిపోవ‌డం లేదు. చిత్ర విచిత్రమైన టైటిళ్ల‌లో, పోస్ట‌ర్ల‌తో ప్రేక్ష‌కుల్ని ఆక‌ట్టుకొంటున్నారు. తాజాగా ఐతే 2 పోస్ట‌ర్ కూడా క‌ల‌క‌లం సృష్టిస్తోంది. న‌లుగుకు కుర్రాళ్లు.. దాదాపు న‌గ్నంగా పోస్ట‌ర్‌పై ద‌ర్శ‌నమిస్తున్నారు. అమీర్ ఖాన్ పీకేని గుర్తు తెచ్చేలా పోజు పెట్టారు. రాజ్ మ‌దిరాజ్ ద‌ర్శ‌క‌త్వం వహించిన ఈ చిత్రం త్వ‌ర‌లోనే ప్రేక్ష‌కుల ముందుకు రాబోతోంది.

రుషి, ఆంధ్రాపోరి సినిమాల్ని తీసిన దర్శ‌కుడు రాజ్ మ‌దిరాజ్‌. ఆ సినిమాలేం హిట్లు కావుగానీ.. రాజ్‌మ‌దిరాజ్ ఆలోచ‌న‌లు కొత్త‌గా ఉంటాయ‌ని నిరూపించింది.ఇప్పుడు ఐతే 2లో ఆయ‌న విశ్వ‌రూపం చూపించ‌బోతున్నార‌న్న విష‌యం అర్థం అవుతోంది. చంద్రశేఖ‌ర్ ఏలేటి ద‌ర్శ‌క‌త్వంలో వ‌చ్చిన ఐతే చిన్న సినిమాల‌కు ఓ స‌రికొత్త దారి చూపించింది. ఇప్పుడు ఆ పేరుతో వ‌స్తున్న ఈ సినిమా కూడా చిన్న సినిమాల‌కు అలాంటి గౌర‌వం తీసుకొస్తే అంత‌కంటే కావ‌ల్సింది ఏముంది??