అప్పటిదాకా రైటర్ గా పనిచేసిన కె.ఎస్.రవింద్రా (బాబి) పవర్ సినిమాతో తన దర్శకత్వ ప్రతిభను బయటపెట్టాడు. మాస్ మహరాజ్ రవితేజ నటించిన ఆ సినిమా రవితేజ కెరియర్ కు మంచి బూస్టప్ ఇచ్చింది. ఇక మొదటి సినిమానే పవర్ ఫుల్ గా తీసిన బాబికి ఏకంగా పవర్ స్టారే పిలిచి అవకాశం ఇచ్చాడు. అయితే ఆ అవకాశం తన తల రాత మారుస్తుందని భావించిన బాబి సర్దార్ సినిమాలో అంతా పవన్ నడిపిస్తాడని మాత్రం గెస్ చేయలేకపోయాడు. కథ కథనాల్లోనే కాదు దర్శకుడిగా బాబిని అసలు తన ప్రతిభను కనబరిచే అవకాశం ఇవ్వకుండా చేశాడు పవర్ స్టార్.
అందుకే సర్దార్ వల్ల బాబి కన్నా పవర్ స్టార్ మీద ఎక్కువ సెటైర్స్ పడుతున్నాయి. ప్రస్తుతం మొదటి సినిమా హిట్ రెండో సినిమా ఫ్లాప్ ఇలా తన కెరియర్ గురించి ఆలోచిస్తే సందిగ్ధంలో పడిన బాబి.. ఈ గ్యాప్ పోవాలంటే వెంటనే తానో పవర్ ఫుల్ కథ అనుకుని మళ్లీ తన స్టామినాను నిరూపించుకోవాల్సిందే. సర్దార్ ఆఫ్టర్ రిలీజ్ ప్రమోషన్స్ లో కూడా బాబి ఎక్కడ కనిపించిన దాఖలాలు లేవు. సో బాబి కెరియర్ ప్రమాద హెచ్చరికలు జారి కాకముందే మేలుకుని వెంటనే ఓ సూపర్ హిట్ సినిమా తీస్తే మంచిది.
