సినిమాల రిలీజ్ విష‌యంలో మ‌న‌వాళ్లు కాస్త ముందు జాగ్ర‌త్త‌తోనే ఆలోచిస్తున్నారు. సీజ‌న్‌ని ఎట్టిప‌రిస్థితుల్లోనూ మిస్ కాకూడ‌ద‌న్న‌ది వాళ్ల ఉద్దేశం. మంచి సీజ‌న్‌లో ఓ యావ‌రేజ్ సినిమా ప‌డినా… లాభాలు తెచ్చుకోవ‌చ్చ‌న్న‌ది వాళ్ల న‌మ్మ‌కం. అందుకే.. సంక్రాంతి, ద‌స‌రా, స‌మ్మ‌ర్‌లాంటి సీజ‌న్ల‌లో తమ సినిమాల వ‌చ్చేలా ప్లాన్ చేసుకొంటున్నారు. దాంతో ఎవ‌రెవ‌రు ఎవ‌రిపై పోటీ దిగుతున్నార‌న్న విష‌యం ముందుగానే అర్థ‌మైపోతోంది. వ‌చ్చే సంక్రాంతికి ఏ హీరోపై, ఏ హీరో త‌న సినిమాని వ‌దులుతున్నాడ‌న్న విష‌యంలో ఇప్పుడే ఓ క్లారిటీ వ‌చ్చేసింది. వ్యూహాల ప్ర‌కారం చూస్తే వ‌చ్చే ముగ్గుల పండ‌క్కి బాల‌య్య‌తో చెర్రీ పోటీ ప‌డ‌బోతున్నాడ‌న్న‌ది టాలీవుడ్ టాక్‌.

నంద‌మూరి బాల‌కృష్ణ న‌టిస్తున్న వందో చిత్రం… గౌతమి పుత్ర శాత‌క‌ర్ణి. క్రిష్ ద‌ర్శ‌క‌త్వం వహిస్తున్న ఈ చిత్రం త్వ‌ర‌లోనే సెట్స్‌పైకి వెళ్ల‌నుంది. ఈ సినిమాని ఎలాగైనా సంక్రాంతికి విడుద‌ల చేయాల‌ని బాల‌య్య ముందే ఆర్డ‌రు వేశాడ‌ట‌. క్రిష్ కూడా అదే ఆలోచ‌న‌లో ఉన్నాడు. మ‌రోవైపు రామ్‌చ‌ర‌ణ్ కూడా సంక్రాంతి ల‌క్ష్యంతోనే దూసుకుపోతున్నాడు. ప్ర‌స్తుతం త‌నివ‌రువ‌న్ రీమేక్‌లో న‌టిస్తున్నాడు చ‌ర‌ణ్‌. అది పూర్త‌య్యాక సుకుమార్‌తో ఓ సినిమా ఉంటుంది. ఆ సినిమాని సంక్రాంతికి విడుద‌ల చేసేలా.. ప్లాన్ చేస్తున్నాడు. సుక్కుకి కూడా సంక్రాంతి సెంటిమెంట్ ఉంది. త‌న వ‌న్‌, నాన్న‌కు ప్రేమ‌తో సంక్రాంతికే విడుద‌ల చేశాడు. ఈ సినిమానీ అప్పుడే రిలీజ్ చేయాల‌న్న‌ది త‌న ప్లాన్‌. సో.. బాల‌య్య‌, చ‌ర‌ణ్‌ల మెగా వార్‌… వ‌చ్చే సంక్రాంతికి చూడొచ్చ‌న్న‌మాట‌.