మెగా పవర్ స్టార్ రాం చరణ్ కు ఇప్పుడో అర్జెంట్ హిట్ కంపల్సరీ అయ్యింది. గోవిందుడు అందరివాడేలే, బ్రూస్ లీ రెండు అంతగా అంచనాలు అందుకోలేకపోయే సరికి అభిమానులకు ఓ మంచి హిట్ ఇచ్చే పనిలో నిమగ్నమయ్యాడు చరణ్. ప్రస్తుతం తని ఒరువన్ తెలుగు రీమేక్ లో నటిస్తున్న చరణ్. ఆ సినిమా తర్వాత చేస్తున్న సినిమాల గురించి కూడా మంచి క్లారిటీతో ఉన్నాడు.
ముందుగా సుకుమార్ దర్శకత్వంలో ఓ సినిమా చేస్తున్న చెర్రి ఆ సినిమా ఆరెంజ్ లాంటి పక్కా లవ్ స్టోరీతో రాబోతున్నాడని తెలుస్తుంది. ఇక ఆ సినిమా తర్వాత సక్సెస్ ఫుల్ డైరక్టర్ కొరటాల శివ దర్శకత్వంలో కూడా ఓ సినిమా ఉంటుందని టాక్. ఇక మారుతి కూడా రాం చరణ్ కోసం ఓ అద్భుతమైన కథ రెడీ చేశాడట. చరణ్ అవకాశమిస్తే స్టార్ హీరోల సినిమాలను కూడా హిట్ చేసి చూపిస్తా అంటున్నాడు మారుతి. చూస్తుంటే చెర్రి మెగా ఐడియా వేసినట్టే అనిపిస్తుంది. సో ఈ లెక్కన రాబోయే ఈ సినిమాతో చరణ్ ఇండస్ట్రీ రికార్డులు బద్ధలు కొట్టడం ఖాయమనిపిస్తుంది.
