వ‌రుస ఫ్లాపుల‌తో ఒక‌ప్ప‌టి వైభ‌వాన్ని కోల్పోయిన ద‌ర్శ‌కుడు తేజ‌. ఎన్ని ప్ర‌య‌త్నాలు చేసినా… హిట్‌కి అతి ద‌గ్గ‌ర‌గా కూడా రాలేక‌పోతున్నాడు. పెద్ద హీరోలు తేజ‌తో సినిమాలు చేయ‌డానికి ముందుకు రావ‌డం లేదు. కొత్త వాళ్ల‌తో సినిమా తీస్తే వ‌ర్క‌వుట్ కావ‌డం లేదు. ఈ ద‌శ‌లో.. తేజ‌కు ఓ హీరో కావాలి. ఆహీరో ఇప్పుడు రానా అయ్యాడ‌ని ఫిల్మ్‌న‌గ‌ర్ వ‌ర్గాల టాక్‌. ఔను.. తేజ ద‌ర్శ‌క‌త్వంలో రానా ఓ సినిమా చేయ‌బోతున్నాడ‌ని తెలుస్తోంది. క‌థ ఇప్ప‌టికే సెట్ అయ్యింద‌ట‌. అది రానా కూడా ఓకే చేశాడ‌ట‌. అతి త్వ‌ర‌లో ఈ సినిమాకి సంబంధించిన పూర్తి వివ‌రాలు బ‌య‌ట‌కు వ‌స్తాయి.

రానా ప్ర‌స్తుతం బాహుబ‌లి 2తో బిజీగా ఉన్నాడు. హిందీ మూవీ ఘాజీ కూడా చేతిలో ఉంది. ఈ రెండు సినిమాల మ‌ధ్య‌లో తేజ సినిమాని పూర్తి చేస్తాడా, లేదంటే.. అవి అయ్యాకే… తేజ‌తో జ‌ట్టు క‌డ‌తాడా అన్న‌ది తేలాల్సివుంది. ఈ సినిమాలోనే రాజ‌శేఖ‌ర్ ప్ర‌తినాయ‌కుడిగా క‌నిపిస్తాడ‌ని స‌మాచారం. ఒక‌ప్పుడు వెంక‌టేష్‌తో ఓ సినిమా చేయాల‌ని తెగ ప్ర‌య‌త్నించాడు తేజ‌. బాబాయ్‌తో కాక‌పోయినా.. అబ్బాయ్‌తో సెట్ట‌య్యిందిప్పుడు.
మ‌రి ఈ సినిమాతో అయినా తేజ ట్రాక్‌లో కొస్తాడో లేదో?