మెగా బ్రదర్ నాగబాబు తనయురాలు నిహారిక కథానాయికగా ఎంట్రీ ఇస్తున్న సంగతి తెలిసిందే. నాగశౌర్య సరసన ‘ఒక మనసు’ సినిమాలో నటిస్తున్న నిహారిక సినిమాలో తన బెస్ట్ అవుట్ పుట్ ఇస్తుందట. సినిమా షూటింగ్ కూడా పూర్తి కావొచ్చిందట. మధుర శ్రీధర్, టివి-9 సంయుక్తంగా నిర్మిస్తున్న ఈ సినిమాను రామరాజు డైరెక్ట్ చేస్తున్నారు. అయితే మే నెలలో జరుపుకోబోయే ఈ సినిమా ఆడియోకి మొదట మెగా పవర్ స్టార్ రాం చరణ్ గెస్ట్ గా వచ్చే అవకాశాలున్నాయని తెలిసింది. అయితే మెగా ఫ్యామిలీ నుండి వస్తున్న మొదటి హీరోయిన్ కనుక నిహారికకు తన ఆశీస్సులు ఇచ్చేందుకు పెదనాన్న మెగాస్టార్ చిరంజీవి కూడా సిద్ధమయ్యాడట.
అయితే చిరు ఒక మనసు ఆడియోకి వచ్చేది రానిది కన్ఫాం అవ్వలేదు కాని చిత్రయూనిట్ చేసిన ప్రపోజల్స్ కు చిరంజీవి సరే అన్నట్టు తెలుస్తుంది. ఇక మెగాస్టార్ తో పాటుగా మెగా హీరోలు సాయి ధరం తేజ్, వరుణ్ తేజ్ లు కూడా ఈ ఆడియోలో సందడి చేసే అవకాశాలున్నాయట. సో మొత్తానికి మెగా డాటర్ ఎంట్రీకి గ్రాండ్ వెల్కం చెప్పేందుకు మెగా ఫ్యామిలీ అంతా సన్నద్ధమవుతున్నట్టు తెలుస్తుంది.
