ఏదైనా సరే.. ఉన్న‌ది ఉన్న‌ట్టుగా మాట్లాడేస్తుంటారు దాస‌రి నారాయ‌ణ‌రావు. ఆయ‌న ఎవ‌రిని టార్గెట్ చేస్తున్నారో… డైరెక్ట్‌గా చెప్ప‌క‌పోయినా, ఇన్‌డైరెక్ట్‌గా ఆ సంకేతాలు వెళ్ల‌వ‌ల‌సిన వాళ్ల‌కు వెళ్లిపోతుంటాయి. తాజాగా ఈడోర‌కం ఆడోర‌కం సినిమా స‌క్సెస్ మీట్‌లోనూ దాస‌రి యువ హీరోల‌కు చుర‌క‌లు అంటించారు. ”ఒక‌ట్రెండు సినిమాలు హిట్స్ వ‌స్తే చాలు.. పారితోషికం పెంచేస్తున్నారు. ఇది మంచి ప‌ద్ధ‌తి కాదు. ఈ జ‌న‌రేష‌న్ హీరోలంద‌ర్నీ ఓ ద‌గ్గ‌ర‌కు తీసుకొచ్చి.. కొన్ని విష‌యాలు చెప్పాల‌ని వుంది. వాటిలో పారితోషికం సంగ‌తీ ఉంది” అన్నారు. దాస‌రి మాట‌లు ఏ హీరోల్ని ఉద్దేశించి అన్న ఆస‌క్తిక‌ర‌మైన చ‌ర్చ.. టాలీవుడ్లో మొద‌లైపోయింది.
దాస‌రి అన్న‌ది రాజ్తరుణ్ గురించే అన్న‌ది చాలామంది అభిప్రాయం. వ‌రుస‌గా విజ‌యాల్ని అందుకొంటూ టాలీవుడ్లో దూసుకుపోతున్న యువ హీరో రాజ్తరుణ్. చేతిలో విజ‌యాలున్నాయి క‌దా, అని పారితోషికాన్ని ఎప్ప‌టిక‌ప్పుడు పెంచేస్తున్నాడ‌ట. తాగాజా త‌న పారితోషికం రూ.కోటి రూపాయ‌లు చేసేసిన‌ట్టు వినికిడి. ఈసంగ‌తి తెలిసే…దాస‌రి ఇలా వ్యాఖ్యానించి ఉంటార‌ని అనుకొంటున్నారు. అన్న‌ట్టు దాస‌రి మాట్లాడుతున్న‌ప్పుడు రాజ్ త‌రుణ్ కూడా అక్క‌డే ఉన్నాడు.
