స‌రైనోడు వ‌చ్చింది.. కోట్లు కోట్లు కొల్ల‌గొడుతోంది. బ‌న్నీ రేంజు పెరిగింద‌ని ఫ్యాన్స్ తెగ ముచ్చ‌ట‌ప‌డిపోతున్నారు. బోయ‌పాటి స్టైల్ ఆఫ్ మేకింగ్ గురించీ తెగ మాట్లాడుకొంటున్నారు. ఆది పినిశెట్టి విల‌న్ గా ఇర‌గ‌దీశాడ‌ని మెచ్చుకొంటున్నారు. ర‌కుల్ సంగ‌తి స‌రేస‌రి. కేథ‌రిన్ గురించి క‌నీసం నెగిటీవ్ యాంగిల్ లో అయినా మాట్లాడుకొంటూనే ఉన్నారు. కానీ ఐటెమ్ సాంగ్ చేసిన అంజ‌లి గురించి ఎవ్వ‌రూ ప‌ట్టించుకోవ‌డం లేదు. అస‌లు స‌రైనోడులో అంజ‌లి ఉన్న సంగ‌తి కూడా చాలా మందికి రిజిస్ట‌ర్‌కాలేదు.

ఐటెమ్ సాంగ్ అంటే… అంద‌రి క‌ళ్లూ ఆ ఐటెమ్ గాళ్ మీదే ఉంటాయి. ఐటెమ్ భామ‌లుకూడా త‌మ శ‌క్తివంచ‌న లేకుండా… అందాలారేసి, ఆ ఐదు నిమిషాలూ దుమ్ము దులిపేసి వెళ్లిపోతారు. ఒక్క పాట క్లిక్క‌యితే…ఇక బోలెడ‌న్ని ఆఫ‌ర్లు వ‌రుస క‌డ‌తాయి. కానీ.. స‌రైనోడు లో అంజ‌లి సీన్ రివ‌ర్స్‌. ఈ ఐటెమ్ పాట‌లో క‌మెరా ఆమెపై ఫోక‌స్ అయ్యిందే లేదు. బ‌న్నీ స్టెప్పులు, శ్రీ‌కాంత్ ఊపుడు, జ‌య ప్ర‌కాష్‌రెడ్డి మేన‌రిజ‌మ్స్ చూపించినంత సేపు కూడా అంజ‌లి ఫేస్ చూపించ‌లేదు. దాంతో.. అంజ‌లికి రావ‌ల్సిన గుర్తింపు రాలేదు. దాంతో అంజ‌లి కూడా బాగా హ‌ర్ట‌వుతోంద‌ట‌. స్టార్ హీరోల సినిమాల్లో ఐటెమ్ పాట ఛాన్సొస్తే ఇలాంటి ఇబ్బందులే ఉంటాయి. అంద‌రూ స్టార్స్ గురించే మాట్లాడుకొంటారు త‌ప్ప‌.. ఐటెమ్ క‌ష్టాన్ని గుర్తించ‌రు. ఈ విష‌యంలో అంజ‌లి పాప‌కు ఈసారి బాగా అర్థ‌మై ఉంటుంది.