ప‌వ‌న్ క‌ల్యాణ్ క‌థానాయ‌కుడిగా ఇటీవ‌లే ఓ సినిమా క్లాప్ కొట్టుకొంది. ఎస్‌.జె. సూర్య ద‌ర్శ‌క‌త్వం వ‌హిస్తున్నాడు. శ‌ర‌త్‌మ‌రార్ నిర్మాణ సారథ్యంలో తెర‌కెక్కిస్తున్న ఈ చిత్రం త్వ‌ర‌లోనే సెట్స్‌పైకి వెళ్ల‌నుంది. ఈలోగా క‌థానాయిక కోసం చిత్ర‌బృందం తీవ్రంగా గాలిస్తోంది. ఈ సినిమాలో స్టార్ హీరోయిన్‌నే తీసుకొందామ‌నుకొన్నా, చివ‌రి క్ష‌ణాల్లో నిర్ణ‌యం మార్చుకొన్నారు. ప‌వ‌న్ ప‌క్క‌న ఓ కొత్త క‌థానాయిక‌ని తీసుకోవాల‌ని నిర్ణ‌యించుకొన్నారు. ఆ అవ‌కాశం ఇప్పుడు మ‌ల‌యాళీ ముద్దుగుమ్మ పార్వ‌తికి ద‌క్కిన‌ట్టు తెలుస్తోంది.
బెంగ‌ళూరు డేస్ సినిమాలో కీల‌క పాత్ర పోషించింది పార్వ‌తి. అందులో ఆమె న‌ట‌న‌కు మంచి మార్కులు ప‌డ్డాయి. ఇప్పుడు ఎస్‌.జె.సూర్య దృష్టి పార్వ‌తిపై ప‌డింది. పార్వ‌తిపై ఫొటో సెష‌న్ కూడా చేశార‌ని, ప‌వ‌న్ కూడా.. ఓకే చేశాడ‌ని తెలుస్తోంది. అనూప్ సంగీతం అందిస్తున్న ఈ చిత్రం కోసం ఇప్ప‌టికే రామ‌జోగ‌య్య శాస్త్రితో రెండు పాట‌ల్ని కూడా రాయించారు. హుషారు అనే టైటిల్‌ని ఈ సినిమా కోసం ప‌రిశీలిస్తున్నారు. పూర్తి వివ‌రాలు త్వ‌ర‌లో తెలుస్తాయి.
