నేను – శైల‌జ‌తో మ‌ళ్లీ ట్రాక్ ఎక్కాడు రామ్‌. ఈ విజ‌యాన్ని కాపాడుకోవాల‌న్న ఉద్దేశంతో త‌దుప‌రి సినిమాపై ఆచి తూచి స్పందించాడు. సంతోష్ శ్రీ‌న్‌వాస్ ఓ క‌థ చెప్ప‌డం, రామ్ ఓకే చేయ‌డం జ‌రిగిపోయాయి. ఈమ‌ధ్యే లాంఛ‌నంగా ఈ సినిమా ప్రారంభ‌మైంది కూడా. ఇప్పుడు ఈ సినిమాలో క‌థానాయిక కూడా సెట్ట‌య్యింద‌ని టాక్‌. ఈ చిత్రంలో క‌థానాయిక‌గా రాశీఖ‌న్నాని ఎంచుకొన్నార‌ని తెలుస్తోంది. రామ్‌, రాశీ ఇదివ‌ర‌కు శివ‌మ్ సినిమాలో జంట‌గా క‌నిపించారు. ఆ సినిమా ఫ్లాప్ అయినా.. ఈ జోడీకి మంచి మార్కులే ప‌డ్డాయి. ఆ ధైర్యంతోనే.. రామ్ ప‌క్క‌న రాశీని ఎంచుకొన్నార‌ని తెలుస్తోంది. త్వ‌ర‌లోనే ఈ సినిమా సెట్స్‌పైకి వెళ్తోంది. అన్న‌ట్టు.. సంతోష్ గ‌త సినిమా ర‌భ‌స బాక్సాఫీసు ద‌గ్గ‌ర భారీగా ప‌ల్టీ కొట్టింది. అంటే.. అటు రాశీకీ, ఇటు సంతోష్‌కీ ఫ్లాపులున్నాయ‌న్న‌మాట‌. ఈ ఫ్లాపు స్టాంపు ప‌డ్డ‌వారితో రామ్ ఎలా స‌ర్దుకుపోతాడో, ఆ సెంటిమెంట్‌న ఎలా బ్రేక్ చేస్తాడో చూడాలి.