బ్రహ్మోత్సవం సినిమాకి ప‌నిచేడ‌యం వ‌ల్ల ఎంతో నేర్చుకొన్నాన‌ని, మ‌నిషిగా ఎదిగాన‌ని అంటున్నారు మ‌హేష్‌బాబు. ఆయ‌న క‌థానాయ‌కుడిగా న‌టించిన చిత్రం బ్రహ్మోత్సవం. శ్రీ‌కాంత్ అడ్డాల ద‌ర్శ‌క‌త్వం వ‌హించిన ఈ చిత్రంలోని గీతాలు కొద్ది సేప‌టి క్రితం హైద‌రాబాద్ జేఆర్‌సీ ఫంక్ష‌న్ హాల్‌లో విడుద‌ల‌య్యాయి. ఈ సంద‌ర్భంగా మహేష్ అభిమానుల్ని ఉద్దేశించి మాట్లాడాడు. ఈ ఆడియో ఫంక్ష‌న్‌ని మహేష్ కుమార్తె సితార కూడా హాజ‌రైంది. సితార మహేష్ ఆడియో ఫంక్ష‌న్ల‌కు రావ‌డం ఇదే తొలిసారి. ఆ సెంటిమెంట్‌పై మహేష్ న‌మ్మ‌కంగా ఉన్నాడు. పాప సితార నా ఆడియోకి రావ‌డం ఇదే తొలిసారి, అంతా మంచే జ‌రుగుతుంద‌ని మహేష్ అభిల‌షించాడు.
సీత‌మ్మ వాకిట్లో సిరిమ‌ల్లె చెట్టుతో ఎంతో నేర్చుకొన్నాన‌ని, ఈ సినిమాతో ఇంకా ఎదిగాన‌ని మహేష్ చెబుతున్నాడు. శ్రీ‌కాంత్ అడ్డాల లాంటి ద‌ర్శ‌కుడితో మ‌ళ్లీ మ‌ళ్లీ ప‌నిచేయాల‌ని ఉంద‌న్నాడు మహేష్. త‌న‌ని ఇంత‌వాడ్ని చేసింది అభిమానులే అన్నాడు. ”నిజంగా ఒక‌రిపై మ‌న‌కు ప్రేమ ఉంటే, ఆ ప్రేమ‌ని మాట‌ల్లో వ్య‌క్త‌ప‌ర‌చ‌లేం. అభిమానుల గురించి నేను అందుకే పెద్ద పెద్ద మాట‌లు మాట్లాడ‌లేను. వాళ్లే న‌న్ను ఇంత‌టి వాడ్ని చేశారు” అని అభిమానుల‌పై త‌న ప్రేమ కురిపించాడు మహేష్. 20 వ తారీఖున సిద్దంగా ఉండండి, థియేట‌ర్లో ఉత్స‌వం చేసుకొందాం.. అని రిలీజ్ డేట్ కూడా డిక్లేర్ చేయ‌డంతో జేఆర్‌సీ హాలు హోరెత్తింది.
