బ్రహ్మోత్సవం క‌థేంటి?? ఎలా ఉండ‌బోతోంది??? ఈ సినిమాకి బేస్ ఏది?? ఇలా మహేష్ అభిమానుల్లో ఎన్నో ప్ర‌శ్న‌లు. బ్రహ్మోత్సవం సినిమా సంబంధించిన స్టోరీ లీక్ కాకుండా ఉండ‌డానికి చిత్ర‌బృందం కూడా త‌గిన జాగ్ర‌త్త‌లు తీసుకొంది. అందుకే ఈ సినిమా విడుద‌ల‌కు ద‌గ్గ‌ర ప‌డుతున్నా.. ఇప్ప‌టి వ‌ర‌కూ…బ్రహ్మోత్సవం స్టోరీ బ‌య‌ట‌కు రాలేదు. అయితే.. స‌మంత వ‌ల్ల బ్రహ్మోత్సవం ఎలా ఉండ‌బోతోంద‌న్న విష‌యంలో క్లూ దొరికింది.
బ్రహ్మోత్సవం లో స‌మంత మాట‌ల్ని బ‌ట్టి.. ఆ సినిమా క‌థేంటి? బేస్ ఎక్క‌డుంది? అనే విష‌యాలు బ‌య‌ట‌కు వ‌చ్చేశాయి.
త‌ల్లిదండ్రులు పిల్ల‌ల్ని వెదుక్కొంటూ వెళ్ల‌డం మామూలే. కానీ ఈ సినిమాలో పిల్ల‌లే త‌ల్లిదండ్రుల్ని మూలాల్ని వెదుక్కొంటూ ప్ర‌యాణం చేయ‌డం ఈ క‌థ‌లోకి కొత్త‌ద‌నం అంటూ ఈ సినిమా క‌థ బ‌య‌ట‌పెట్టింది స‌మంత. ఏడు త‌రాల్ని ఒక చోట‌కు చేర్చ‌డానికి క‌థానాయ‌కుడు ప‌డిన తాప‌త్ర‌యం ఈ సినిమా అనే విష‌యం బ్రహ్మోత్సవం ట్రైల‌ర్‌ని బ‌ట్టి అర్థం అవుతోంది. ప‌రుచూరి బ్ర‌ద‌ర్స్ కూడా ఇది పండంటి కాపురంలాంటి క‌థే అన్నారు. అంటే ఉమ్మ‌డి కుటుంబాల్లోని అనుబంధాలు, వాళ్లు విడిపోవ‌డం వ‌ల్ల వ‌చ్చే స‌మ‌స్య‌లు.. ఇవ‌న్నీ ఈ సినిమాలో చూడొచ్చ‌న్న‌మాట.
