ప‌వ‌న్ క‌ల్యాణ్ ఎప్పుడు ఎవ‌రికి అవ‌కాశం ఇస్తాడో చెప్ప‌లేం. ఫ్లాపుల‌తో స‌త‌మ‌త‌మ‌వుతున్న ద‌ర్శ‌కుల‌కు పిలిచి మ‌రీ సినిమా క‌ట్ట‌బెడ‌తాడు. ఎస్‌.జె . సూర్య‌కి ఇప్పుడు అలానే ఓ ఛాన్సిచ్చాడు. ఇప్పుడు హ‌రీష్ శంక‌ర్‌కీ ప‌వ‌న్ నుంచి ఆహ్వానం అందిన‌ట్టు టాక్‌. గ‌బ్బ‌ర్ సింగ్‌తో.. ప‌వ‌న్‌కి ఓ సూప‌ర్ డూప‌ర్ హిట్టిచ్చి.. స్టార్ ద‌ర్శ‌కుల జాబితాలో చేరిపోయాడు హ‌రీష్‌. అయితే రామ‌య్యా వ‌స్తావ‌య్యా ఫ్లాప్ అవ్వ‌డంతో హ‌రీష్ క‌థ మ‌ళ్లీ మొద‌టికి వ‌చ్చింది. హ‌రీష్‌తో సినిమాలు చేయ‌డానికి పెద్ద హీరోలెవ్వ‌రూ ముందుకు రాక‌పోవ‌డంతో సాయిధ‌ర‌మ్ తేజ్‌తో సుబ్ర‌మ‌ణ్యం ఫ‌ర్ సేల్ తీసి ఊపిరి పీల్చుకొన్నాడు. అయినా స‌రే.. హ‌రీష్ ఇప్పుడు ఖాళీనే.

అందుకే ప‌వ‌న్ దృష్టి ఇప్పుడు హ‌రీష్‌పై ప‌డింద‌ట‌. హ‌రీష్‌కి మ‌రోసారి బ్రేక్ ఇవ్వాల‌ని ప‌వ‌న్ నిర్ణ‌యించుకొన్న‌ట్టు తెలుస్తోంది. ప‌వ‌న్ కోసం ఓ ప‌దునైన క‌థ త‌యారు చేసుకొన్న హ‌రీష్‌.. ఇటీవ‌లే ప‌వ‌న్‌కి వినిపించాడ‌ట‌. హ‌రీష్ లైన్ తో సంతృప్తి ప‌డిన ప‌వ‌న్‌.. త్వ‌ర‌లోనే త‌న నిర్ణ‌యాన్ని చెబుతా అన్నాడ‌ట‌. ప్ర‌స్తుతం ప‌వ‌న్ ఫారెన్ ట్రిప్పులో ఉన్నాడు. అక్క‌డ్నుంచి తిరిగి రాగానే హ‌రీష్ శంక‌ర్‌తో సినిమా ఓకే చేసే అవ‌కాశం ఉంది.