బ్ర‌హ్మోత్స‌వం త‌ర‌వాత మురుగ‌దాస్ తో క‌ల‌సి ఓ సినిమా చేయ‌బోతున్నాడు మ‌హేష్ బాబు. స్ర్కిప్టు ఎప్పుడో పూర్త‌యిపోయింది. ఇక సెట్స్‌పైకి వెళ్ల‌డ‌మే త‌రువాయి. అయితే ఈ సినిమా క‌థ న్యాయ వ్య‌వ‌స్థ చుట్టూ తిరుగుతుంద‌ని, న్యాయ వ్య‌వ‌స్థ‌లోని లోపాల్ని ఎత్తి చూపే క‌థ అని గుస‌గుస‌లు వినిపించాయి. అయితే.. అదేం కాదట‌. ఇవ‌న్నీ రూమ‌ర్లు అంటున్నాడు మ‌హేష్ బాబు. ”ఆ వార్త‌లు నేనూ విన్నా. మాసినిమాపై అప్పుడే రూమ‌ర్లు మొద‌లైపోయాయా అనుకొన్నా. ఇదేం న్యాయ వ్య‌వ‌స్థ‌కు సంబంధించిన క‌థ కాదు. మురుగుదాస్ స్టైల్‌లోనే ఉండే క‌థ‌. ఓ సోష‌ల్ ఇష్యూని క‌మ‌ర్షియ‌ల్ పంథాలో చెబుతున్నాం” అంటున్నాడు.

ఒక్క‌డు సినిమా అంటే మురుగ‌దాస్‌కి చాలా ఇష్ట‌మ‌ట‌. గ‌జిని సినిమా చూసిన‌ప్ప‌టి నుంచీ మ‌హేష్‌.. మురుగ‌దాస్‌తో క‌ల‌సి సినిమా చేయాల‌నుకొంటున్నాడు. ఆఖ‌రికి శ్రీ‌మంతుడు స‌మ‌యంలో ఈ సినిమాని ఓకే చేశాడు మ‌హేష్‌. ”శ్రీ‌మంతుడు ప్ర‌చారం కోసం చెన్నై వెళ్లా. అక్క‌డ‌
మురుగ‌దాస్ వ‌చ్చి క‌లిశారు. అప్పుడే క‌థ వినిపించారు. విన‌గానే భ‌లే న‌చ్చేసింది” అంటూ మురిసిపోతున్నాడు మ‌హేష్‌. వ‌చ్చే నెల‌లో ఈ సినిమా సెట్స్‌పైకి వెళ్ల‌బోతోంది. 2017 ప్ర‌ధ‌మార్థంలో ఈ చిత్రాన్ని విడుద‌ల చేస్తారు.