కొత్త క‌థ‌ల‌తో, స‌రికొత్త కాన్సెప్టుల‌తో సినిమాలు చేస్తూ… విజ‌యాలు అందుకొంటున్నాడు నిఖిల్. స్వామి రారాతో మొద‌లైన విజ‌య‌యాత్ర… సూర్య వెర్సెస్ సూర్య వ‌ర‌కూ కొన‌సాగింది. ఈ హ్యాట్రిక్ హీరోకి… శంక‌రాభ‌ర‌ణంతో గ‌ట్టి దెబ్బ త‌గిలింది. అందుకే ఇప్పుడు మ‌రింత జాగ్ర‌త్త‌గా క‌థ‌లు ఎంచుకొంటున్నాడు. ప్ర‌స్తుతం వీఐ ఆనంద్ ద‌ర్శ‌క‌త్వంలో ఓ సినిమా చేస్తున్నాడు. ఇందులో ముగ్గురు హీరోయిన్లు. ఇప్పుడు ఈ సినిమాకి టైటిల్ కూడా ఫిక్స‌యిన‌ట్టు టాక్‌. ఈ సినిమా కోసం ఎక్క‌డికి పోతావు చిన్న‌వాడా.. అనే టైటిల్ ఖ‌రారు చేశార‌ట.
మంచి టైటిల్ దొరికితే.. సినిమాకి స‌గం విజ‌యం ల‌భించ‌న‌ట్టే. నిఖిల్ ఆ విష‌యంలో స‌క్సెస్ అయ్యాడ‌నే చెప్పొచ్చు. టైటిల్ ఇంట్ర‌స్టింగ్‌గా ఉంది. విఐ ఆనంద్ క‌థ‌లోనూ అదే న‌వ్య‌త క‌నిపిస్తే.. నిఖిల్ ఖాతాలో మ‌రో హిట్‌ప‌డిన‌ట్టే. విఐ ఆనంద్ ఇది వ‌ర‌కు టైగ‌ర్ సినిమా చేశాడు. అది ఓకే అనిపించుకొంది. ఈసారి భారీ క‌మ‌ర్షియ‌ల్ హిట్‌పైపు క‌న్నేశాడా ద‌ర్శ‌కుడు. ఆగ‌స్టులో ఈ సినిమా ప్రేక్ష‌కుల ముందుకు రానున్న‌ద‌ని స‌మాచారం.
