నాగార్జున త‌న‌యుడిగా అరంగేట్రం చేసి, ఇన్నేళ్ల‌యినా త‌నదంటూఓ సొంత ముద్ర సాధించ‌లేక‌పోయాడు నాగ‌చైత‌న్య‌. హిట్లు వ‌స్తున్నా, సూప‌ర్ హిట్టు ద‌క్కించుకోలేక‌పోతున్నాడు. ఓపెనింగ్స్ విష‌యంలో చైతూ ఇప్ప‌టికీ వీకే! సొంత అభిమాన గ‌ణం అంటూ సంపాదించ‌లేక‌పోయాడు. ఒక్క సినిమా చేసిన అఖిల్ నే ఫ్యాన్ ఫాలోయింగ్ విష‌యంలో చైతూ కంటే ముందున్నాడు. ఫ్యామిలీ ఆడియ‌న్స్‌కి చేరువ అయితే త‌ప్ప‌.. త‌న స్టామినా పెంచుకొనేందుకు వీల్లేద‌ని గ్ర‌హించాడు చైతూ. ఇప్పుడు ఆ దిశ‌గా అడుగులు వేస్తున్నాడ‌ట‌. ఫ్యామిలీ ఆడియ‌న్స్‌ని బుట్ట‌లో వేసుకొనేందుకు ఇప్పుడు ఓ మార్గం ఎంచుకొన్నాడ‌ట‌. నాన్న న‌టించిన ఓ సినిమాని రీమేక్ చేసి. ఫ్యాన్ ఫాలోయింగ్ పెంచుకొందామ‌నుకొంటున్నాడు చైతూ.

ఇప్పుడు చైతూ నాగ్ – కృష్ణ‌వంశీల నిన్నే పెళ్లాడ‌తాపై ప‌డింద‌ని తెలుస్తోంది. ఈ సినిమాపై ఎప్ప‌టి నుంచో.. చైతూ క‌న్నేశాడు. ఈ సినిమాని రీమేక్ చేస్తే.. త‌న కెరీర్‌కి బాగా హెల్ప్ అవుతుందని భావిస్తున్నాడ‌ట‌. ఓ కొత్త ద‌ర్శ‌కుడితో నిన్నే పెళ్లాడ‌తా రీమేక్‌పై చ‌ర్చ‌లు సాగిస్తున్న‌ట్టు టాక్‌. అలాంటి క‌థే చెబితే కృష్ణ‌వంశీతో అయినా సినిమా చేయ‌డానికి రెడీగా ఉన్నాడ‌ట‌. మ‌రి.. కృష్ణ‌వంశీ చైతూకి ఓ ఫ్యామిలీ స్టోరీ ఇస్తాడా, లేదంటే పాత సినిమా దిక్కా… తెలియాలంటే ఇంకొన్ని రోజులు ఆగాలి.