ప‌ర‌భాషా న‌టులంటే మ‌న‌వాళ్ల‌కు ఎంత ప్రేమో?! వాళ్లు అడిగినంత పారితోషికం పువ్వుల్లో పెట్టి మ‌రీ ఇస్తారు. లొకేష‌న్లో వాళ్ల‌కు సూప‌ర్ స్టార్ లెవిల్ ట్రీట్‌మెంట్ త‌ప్ప‌నిస‌రి. ప్ర‌స్తుతం జ‌న‌తా గ్యారేజీ సెట్లో మోహ‌న్‌లాల్ రాజ‌వైభోగం ఇదీ. ఎన్టీఆర్ క‌థానాయ‌కుడిగా న‌టిస్తున్న చిత్రం… జ‌న‌తా గ్యారేజ్‌. ఇందులో ఎన్టీఆర్ పెద‌నాన్న‌గా మోహ‌న్‌లాల్ క‌నిపించ‌నున్నారు. ఎన్టీఆర్ త‌ర‌వాత అంత‌టి ప్రాధాన్యం ఉన్న పాత్ర అదే. మోహ‌న్‌లాల్ రాక‌తో మ‌ల‌యాళంలో ఈ సినిమా రేంజ్ పెరుగుతుంద‌ని చిత్ర‌బృందం ఆలోచ‌న. అందుకే.. మోహ‌న్‌లాల్‌కు భారీ పారితోషికం ఇచ్చార‌ట.
ఈ సినిమాకోసం మోహ‌న్‌లాల్ అందుకొన్న పారితోషికం అక్ష‌రాలా రూ.మూడున్న‌ర కోట్లు అని తెలుస్తోంది. ఎన్టీఆర్, కొర‌టాల త‌ర‌వాత అంత‌టి పారితోషికం అందుకొన్న‌ది ఆయ‌నే. మూడున్న‌ర కోట్ల కోసం నలభై రోజుల కాల్షీట్లు ఇచ్చార‌ట. ఈ నలభై రోజులూ ఆయ‌న‌కు 5స్టార్ ఫెసిలిటీస్ క‌ల్పిస్తున్నార‌ట. లెక్క ప్ర‌కారం చూస్తే.. ఆ సౌక‌ర్యాల‌కు క‌నీసం అద‌నంగా మ‌రో పాతిక ల‌క్ష‌ల వ‌ర‌రూ ఖ‌ర్చ‌వ్వ‌డం ఖాయ‌మ‌ని చిత్ర‌వ‌ర్గాలు చెబుతున్నారు. మరి ఇంత కాస్ట్లీ న‌టుడి వ‌ల్ల జ‌న‌తా గ్యారేజీ రేంజ్ ఏమాత్రం పెరుగుతోందో చూడాలి.
