ఏమాట‌కామాట చెప్పుకోవాల్సివ‌స్తే.. స‌మంత లక్కీ హీరోయినే. త‌న ప‌ని అయిపోయింది అనుకొన్న‌ప్పుడ‌ల్లా విజృంభించేలా ఓ హిట్టు కొట్టేస్తుంటుంది. బ్ర‌హ్మోత్స‌వం ఫ్లాప్ అని బాధ‌ప‌డుతున్న త‌రుణంలో అ.ఆ లాంటి సూప‌ర్ హిట్ వ‌చ్చేసింది. ఈ యేడాది తేరి, 24, అఆ ఈ మూడు సినిమాలూ.. ఓవ‌ర్సీస్‌లో మిలియ‌న్ డాల‌ర్లు తెచ్చుకొన్న చిత్రాల జాబితాలో నిలిచాయి. అలా స‌మంత మిలియ‌నీర్ అయిపోయింద‌న్న‌మాట‌. స‌మంత కెరీర్‌లో ఓవ‌ర్సీస్ హిట్లు చాలానే ఉన్నాయి. దూకుడు, అత్తారింటికి దారేది, సీత‌మ్మ వాకిట్లో సిరిమ‌ల్లె చెట్టు, ఈగ‌, మ‌నం, క‌త్తి ఈ సినిమాలన్నీ ఓవ‌ర్సీస్‌లో సూప‌ర్ హిట్లు. అక్క‌డ ఈ సినిమాలన్నీ మిలియ‌న్ డాల‌ర్లు తెచ్చుకొన్నాయి. ఓ క‌థానాయిక కెరీర్‌లో ఇన్ని మిలియ‌న్ డాల‌ర్ల చిత్రాలుండ‌డం ఓ రికార్డ్ అంటున్నారు ట్రేడ్ విశ్లేష‌కులు. తాజాగా అ.ఆ సినిమా స‌మంతలో సూప‌ర్ కాన్ఫిడెన్స్ నింపిందన‌డంలో ఎలాంటి సందేహం లేదు. దాదాపు లేడీ ఓరియెంటెడ్ మూవీ అనిపించుకొన్న సినిమాతో స‌మంత‌.. మ‌ళ్లీ టాప్ పొజీష‌న్‌కి చేరిపోయిన‌ట్టే.