అందాల రాక్ష‌సితో తెలుగు తెర‌పైకి ఎంట్రీ ఇచ్చింది లావ‌ణ్య త్రిపాఠీ. ఆ సినిమా బాక్సాఫీసు ద‌గ్గ‌ర ఎలాంటి సంచ‌ల‌నాలూ సృష్టించ‌లేదు గానీ.. లావ‌ణ్య‌లాంటి క‌థానాయిక‌ని తెలుగు ప్రేక్ష‌కుల‌కు అందివ్వ‌గ‌లిగింది. ఆ త‌ర‌వాత దూసుకెళ్తా స‌రైన ఫ‌లితాన్ని ఇవ్వ‌లేదు. కానీ లావ‌ణ్య ప‌రుగుని మాత్రం ఆప‌లేక‌పోయింది. భ‌లే భ‌లే మ‌గాడివోయ్‌తో త‌న కెరీర్‌లోనే బిగ్గెస్ట్ హిట్ అందుకొంది. ఆ వెంట‌నే.. సోగ్గాడే చిన్ని నాయిన‌లోనూ చెల‌రేగిపోయింది. బ్యాక్ టు బ్యాక్ విజ‌యాలు లావ‌ణ్య‌పై నిర్మాత‌ల‌కు మరింత లవ్ పెరిగేలా చేశాయి. ఇప్పుడు లావ‌ణ్య త్రిపాఠీ టాలీవుడ్‌లో బిజీ హీరోయిన్ అయిపోయింది.
అల్లు శిరీష్ న‌టిస్తున్న శ్రీ‌ర‌స్తు – శుభ‌మ‌స్తులో క‌థానాయిక‌గా న‌టిస్తోంది లావ‌ణ్య. ఈలోగా వ‌రుణ్‌తేజ్ మిస్ట‌ర్ లోనూ హీరోయిన్ ఛాన్స్ అందుకొంది. తాజాగా శ‌ర్వానంద్ 25వ సినిమాలోనూ హీరోయిన్‌గా ఎంపికైంది. ఇవి కాకుండా త‌మిళంలో ఓ సినిమా చేస్తోంది. ఇదీ… లావ‌ణ్య ట్రాక్ రికార్డ్‌! చిన్న సినిమాల‌కు, మినిమం రేంజున్న హీరోల సినిమాల‌కు లావ‌ణ్య ఇప్పుడు బెస్ట్ ఆప్ష‌న్ అయ్యింది. రెమ్యున‌రేష‌న్ కూడా రూ.25 ల‌క్ష‌ల‌లోపే ఉండ‌డంతో లావ‌ణ్య వెంట‌ప‌డుతున్నారంతా. ఈ క్రేజ్‌ని లావ‌ణ్య ఎలా క్యాష్ చేసుకొంటుందో చూడాలి.
