అన‌గ‌న‌గా ఓ ధీరుడు సినిమాతో లేడీ విల‌న్ గా ప‌రిచ‌య‌మై అంద‌ర్నీ భ‌య‌పెట్టింది మంచు ల‌క్ష్మి. ఆ త‌ర‌వాత లేడీ ఓరియెంటెడ్ టైపు పాత్ర‌ల‌నే చేసుకొంటూ వ‌స్తోంది. తాజాగా దొంగాట‌తో ఓ హిట్టు కొట్టింది. ఇప్పుడు క‌థానాయిక‌గా మంచు ల‌క్ష్మీ ఫుల్ బిజీ. ఇటీవ‌లే మంచు ల‌క్ష్మి కొత్త సినిమా ఒక‌టి ప‌ట్టాలెక్కింది. ఇప్పుడు మ‌రో సినిమాకి రంగం సిద్ధ‌మ‌వుతోంది. మంచు పాప‌… త్వ‌ర‌లోనే మ‌ధుర మీనాక్షిగా తెర‌పై ద‌ర్శ‌న‌మివ్వ‌బోతోంద‌ట‌. ఫ‌ణి అనే యువ‌కుడు ఈ చిత్రంతో ద‌ర్శ‌కుడిగా ప‌రిచ‌యం అవుతున్నాడు. ఆల్రెడీ క‌థ సిద్ద‌మైంది. ఈ చిత్రానికి మ‌ధుర మీనాక్షి అనే టైటిల్ కూడా క‌న్‌ఫామ్ చేశార‌ట‌. అయితే ఇదేం దేవ‌త‌ల సినిమా కాదు. ఫాంట‌సీ అంత‌కంటే కాదు. మ‌ధుర మీనాక్షి అనే ఓ అమ్మాయి.. స‌మాజంలో జ‌రుగుతున్న అన్యాయాల్ని ఎలా ఎదిరించిందీ అన్న‌దే కాన్సెప్టు. త్వ‌ర‌లోనే ఈ సినిమా సెట్స్‌పైకి వెళ్ల‌బోతోంది.