క‌మెడియ‌న్లు హీరోల‌వ్వ‌డం చిత్ర‌సీమ‌లో సాధార‌ణ‌మైన విష‌య‌మే. కానీ.. హీరోయిజం చూపించి ఆక‌ట్టుకోవ‌డం, హిట్లు కొట్ట‌డం అంత ఈజీ కాదు. హీరో త‌గ్గ‌ట్టు.. ఇమేజ్‌ని ఏర్ప‌ర‌చుకొని, ఎప్ప‌ట్లా రంజింప‌చేయ‌డం ఆషామాషీ వ్య‌వ‌హారం కానే కాదు. అయితే ఈ విష‌యంలో సునీల్ కొంత వ‌ర‌కూ విజ‌యం సాధించాడు. అందాల రాముడు, మ‌ర్యాద రామ‌న్న, పూల రంగ‌డు సినిమాలు చూశాక.. సునీల్ హీరోగా సెలిటైపోతాడ‌నిపించింది. అయితే ఆ త‌ర‌వాత విజ‌యాలు సునీల్ తో దోబూచులాడాయి. సిక్స్ ప్యాకులు, క‌మ‌ర్షియ‌ల్ సినిమాల్లో హీరోలా భారీ ఫైటింగులు చేసేస‌రికి.. జ‌నాల‌కు మొహం మొత్తేసింది. ఆకారం కూడా మ‌రీ పీల‌గా త‌యార‌వ్వ‌డంతో సునీల్‌కి కొత్త స‌మ‌స్య‌లొచ్చాయి.
సునీల్ ద‌గ్గ‌ర్నుంచి ఆశిస్తోంది.. ఫైటులు, డాన్సింగులు కాదు. అది చేయ‌డానికి చాలామంది హీరోలున్నారు. ఎప్ప‌ట్లా సునీల్ న‌వ్వించే సినిమాలు చేయాల‌ని ఆడియన్స్ ఫీలుతున్నారు. కానీ సునీల్ మాత్రం ఆ న‌వ్వులు త‌ప్ప అన్నీ ఇవ్వ‌డానికి ట్రై చేస్తున్నాడు. అక్క‌డే సునీల్ సినిమాలు లెక్క త‌ప్పుతున్నాయి. తాజాగా జ‌క్క‌న్న కూడా అలాంటి సినిమానే అనిపిస్తోంది. ఎందుకంటే ఈసినిమాలోనూ సునీల్ బాడీ పెంచే క‌నిపిస్తున్నాడు. యాక్ష‌న్ ఎపిసోడ్స్ కూడా భారీ స్థాయిలో తీర్చిదిద్దార‌ట. దాంతో సునీల్ తాను చేసిన త‌ప్పే మళ్లీ రిపీట్ చేస్తున్నాడా అనే అనుమానాలు వ్య‌క్తం అవుతున్నాయి. ఈసారీ సునీల్ క‌మ‌ర్షియ‌ల్ హీరోగా రెచ్చిపోవాల‌ని చూస్తే ఎదురు దెబ్బ‌లు త‌ప్ప‌వు. మ‌రి జ‌క్క‌న్న‌లో ఏముందో? సునీల్ స్థాయి కామెడీ ఉంటుందో లేదో తెలియాంటే ఇంకొన్ని రోజులు ఆగాల్సిందే.
