సునీల్ క‌మెడియ‌న్ గా ఉన్న‌ప్పుడు తెగ న‌వ్వించేసేవాడు. హీరో అయ్యాక మాత్రం కామెడీని ప‌క్క‌న పెట్టి డాన్సులు, ఫైట్లూ అంటూ క‌మ‌ర్షియ‌ల్ హీరోగా వెలిగిపోదామ‌ని ఏవేవో చేస్తున్నాడు. అందుకే త‌న ప్ర‌య‌త్నాలన్నీ బెడ‌సి కొడుతున్నాయి. ఈ విష‌యాన్నిసునీల్ కూడా గ్ర‌హించిన‌ట్టున్నాడు. ‘ఇక మీద‌ట ఓన్లీ కామెడీ.. నో ట్రాజెడీ’ అంటున్నాడు సునీల్. త‌న తాజా చిత్రం జ‌క్క‌న్న‌లో అంతా కామెడీనే న‌ట. క‌నీసం అరవై డ‌భ్భై పంచ్ డైలాగున్నాయ‌ట ఈ సినిమా మొత్త‌మ్మీద. న‌వ్వీ న‌వ్వీ క‌డుపునొప్పి రావ‌డం గ్యారెంటీ అంటున్నాడు సునీల్.
ఇక మీద‌ట సినిమాల జోరు పెంచుతాన‌ని.. క‌నీసం యేడాదికి నాలుగు సినిమాలు తీస్తాన‌ని మాటిచ్చాడు సునీల్. అంతే కాదు… ఆ నాలుగు సినిమాలు చూస్తే.. న‌ల‌భై సినిమాలు చూసినంత న‌వ్వుకోవ‌చ్చ‌ట. అంటే… ఇక మీద‌ట యాక్ష‌న్ జోలికి వెళ్ల‌న‌ని గ‌ట్టిగా చెప్పేసిన‌ట్టే. అయితే జ‌క్క‌న్న‌లో యాక్ష‌న్ ఘ‌ట్టాల‌కీ చోటుంది. కాక‌పోతే.. కామెడీ మాత్రం డామినేట్ చేస్తుంద‌న్న విష‌యం జ‌క్క‌న్న ట్రైలర్ చూస్తే తెలిసిపోతోంది. సునీల్ రూటు మార్చి ఎప్ప‌ట్లా కామెడీ చేస్తానంటే కాద‌నేవాళ్లెవ‌రు??
