టీవీ5 మూర్తి దెబ్బకు మైండ్ బ్లాంక్ అయి గింగరాలు తిరిగి కొన్ని రోజులు కనిపించకుండా పోయిన వేణుస్వామి ఇటీవల తన ఫేవరేట్ సుమన్ టీవీ ఇంటర్యూలో మళ్లీ కనిపించారు. ఆ వీడియోలో చూస్తూ ఉండండి గింగరాలు తిరుగుతారు అని కొంత మందిని హెచ్చరించారు. ఆ వీడియో వైరల్ అయింది… రెండు రోజుల్లోనే గింగరాలు తిరిగే న్యూస్ ఆయనకే వచ్చిపడింది.

నాగ చైతన్య, శోభిత ధూళిపాళ్ల ఎంగేజ్ మెంట్ తర్వాత వేణుస్వామి వారి జాతకం చెప్పాడు. వారు విడిపోతారని చెప్పుకొచ్చారు. ఇది వివాదాస్పదం అయింది. దాంతో చాలా మంది వేణుస్వామిపై విరుచుకుపడ్డారు. తెలంగాణ మహిళా కమిషన్ నోటీసులు జారీ చేసింది. ఆ నోటీసుల్ని వేణుస్వామి హైకోర్టులో సవాల్ చేశారు. మొదట వీటిపై స్టే ఇచ్చిన కోర్టు..తాజాగా స్టే ఎత్తివేసి వారం రోజుల్లోగా చర్యలు తీసుకోవాలని ఆదేశించింది. దీంతో అప్పట్లో సంబరాలు చేసుకున్న వేణుస్వామి ఇప్పుడు గింగరాలు తిరగాల్సిన పరిస్థితి వచ్చింది.

వేణుస్వామి గురించి అనేక నిజాలను టీవీ5 మూర్తి బయట పెట్టారు. ఆయనకు సంబంధించిన అక్రమాస్తుల వివరాలు కూడా వెల్లడి అయ్యాయి. ఆయన ఆస్తిపాస్తులపై ఎవరైనా కోర్టుకు వెళ్లి దర్యాప్తు చేయాలని ఆదేశాలు తీసుకు వస్తే ఆయన బ్లాక్ మెయిల్ బండారం అంతా బయటపడే అవకాశం ఉంది. అప్పుడు ఆయన గింగరాలు తిరుగుగూనే ఉంటారని సెటైర్లు పడుతున్నాయి.