‘పుష్ష 2’ క్రేజ్ అంత‌కంత‌కూ పెరుగుతూనే ఉంది. డిసెంబ‌రు 5 నాటికి…ఈ మానియా ఎక్క‌డి వ‌ర‌కూ వెళ్లి ఆగుతుందో చెప్ప‌డం చాలా క‌ష్టం. ప్ర‌స్తుతానికైతే ‘పుష్ష 2’ టార్గెట్ తొలిరోజు వ‌సూళ్ల‌లో ఆల్ టైమ్ రికార్డ్ సృష్టించ‌డ‌మే. అయితే.. సినిమాలో కూడా మెరుపులు త‌గ్గ‌కుండా చూసుకొంటున్నాడు సుకుమార్‌. అస‌లు క‌థంతా ‘పుష్ష 2’లోనే ఉంద‌ని, యాక్ష‌న్‌, బ‌న్నీ క్యారెక్ట‌రైజేష‌న్ నెక్ట్స్ లెవ‌ల్ లో ఉంటాయ‌ని సుకుమార్ ఇది వ‌ర‌కే చెప్పేశాడు. ఇప్పుడు అంత‌కు మించి ఇవ్వ‌డానికి శాయాశ‌క్తుల ప్ర‌య‌త్నిస్తున్నాడు.

‘పుష్ష 2’ క్లైమాక్స్ లోనే, ‘పుష్ష 3’కి లీడ్ సీన్లు ఉండ‌బోతున్నాయి. ఇప్పుడు ఆ లీడ్ లోనే ఓ స‌ర్‌ప్రైజింగ్ షాక్ ఇవ్వ‌బోతున్నాడు సుక్కు. క్లైమాక్స్‌లో ఓ హీరో వాయిస్ వినిపించ‌బోతోంద‌ట‌. ఆ హీరో ఎవ‌ర‌న్న‌ది కూడా రివీల్ చేయ‌బోతున్నాడు. ‘పుష్ష 3’పై అంచ‌నాలు పెంచ‌డానికి సుకుమార్ వేసిన ఎత్తుగ‌డ ఇది. ‘క‌ట్ట‌ప్ప ఎందుకు చంపాడు’ అనే ప్ర‌శ్న ‘బాహుబ‌లి 2’ పై ఆస‌క్తి పెంచింది. ఇప్పుడు అలానే ఓ హీరోని రంగ ప్ర‌వేశం చేయిస్తున్నాడ‌ని, ఆ హీరో ఎందుకొచ్చాడు? ఏం చేయ‌బోతున్నాడు? అనే ప్ర‌శ్న‌తో `పుష్ష 3`కి లీడ్ వ‌ద‌ల‌బోతున్నాడ‌న్న‌ది ఇన్ సైడ్ వ‌ర్గాల టాక్‌. అయితే ఇప్ప‌టి వ‌ర‌కూ ఆ ఎపిసోడ్ తెర‌కెక్కించ‌లేదు. ఆ హీరో ఎవ‌రైతే బాగుంటార‌న్న విష‌యంపై చిత్ర‌బృందం మ‌ల్ల‌గుల్లాలు ప‌డుతోంది. దీనిపై త్వ‌ర‌లోనే ఓ క్లారిటీ రావొచ్చు. న‌వంబ‌రు 4న ఐటెమ్ పాట తెర‌కెక్కిస్తారు. ఆ షూటింగ్ క‌నీసం 5 రోజుల పాటు సాగుతుంది. ఆ త‌ర‌వాత‌… పుష్ష 3 లీడ్ సీన్లు తెర‌కెక్కిస్తారు.