ఎన్టీఆర్- ప్రశాంత్ నీల్ సినిమాకి ఆగస్ట్ లోనే కొబ్బరికాయ్ కొట్టారు. ప్రస్తుతం ప్రీప్రొడక్షన్ పనులు జరుగుతున్నాయి. హీరోయిన్, విలన్, క్యారెక్టర్ ఆర్టిస్టులు వివరాలు ఇంకా అధికారికంగా చెప్పలేదు. ఐతే ఈ సినిమాలో ఓ హీరోయిన్ గా రుక్మిణి వసంత్ నటించే అవకాశం వుందని గతంలో వార్తలు వచ్చాయి.

‘సప్తసాగరాలు’ సినిమాతో పాపులరైన నటి రుక్మిణి. పెర్ఫార్మెన్స్ కి ప్రాధాన్యత వున్న పాత్రల కోసం ఆమెను ఎంపిక చేసుకుంటున్నారు. ప్రశాంత్ నీల్ కథ ఇచ్చిన ‘బఘీర’ సినిమాలో కూడా ఆమెనే హీరోయిన్. ఈ సినిమా రేపే ప్రేక్షకుల ముందుకు వస్తోంది.

ఈ సందర్భంగా ఎన్టీఆర్ సినిమా గురించి రుక్మిణి వద్ద ప్రస్తావన తీసుకొస్తే.. ”ప్రశాంత్ నీల్, ఎన్టీఆర్ గారి సినిమాలో నేను వున్నాననే వార్తలు నాకూ వినిపించాయి. అంత పెద్ద సినిమాలో అవకాశం వస్తే అంతకంటే అదృష్టం వుండదు. అలాంటిది ఏదైనా వుంటే దర్శక నిర్మాతలు చెబితేనే బావుంటుంది’ అని చెప్పుకొచ్చారు. మొత్తానికి ఎస్ ఆర్ నో చెప్పకుండా గుప్‌ చప్‌ గా సమాధానం దాటవేసింది రుక్మిణి.

ఎన్టీఆర్- ప్రశాంత్ నీల్ ప్రాజెక్ట్‌పై ప్రేక్షకులు భారీ అంచనాలు పెట్టుకున్నారు.ఈ సినిమా థీమ్ పై లేటెస్ట్ గా చాలా వార్తలు హాల్ చల్ చేస్తున్నాయి. ఈ కథ బంగ్లాదేశ్ బ్యాక్ డ్రాప్ లో ఉంటుందని ఓ టాక్. అలాగే డ్రాగన్ బ్యాక్ డ్రాప్ హీరో క్యారెక్టరైజేషన్ తీర్చిదిద్దుతున్నారనే మాట కూడా వినిపిస్తోంది.