శివ కార్తికేయన్ తెలుగు ప్రమోషన్స్ పై ప్రత్యేక దృష్టి పెడతారు. ప్రతి సినిమా రిలీజ్ కి ముందు ఇక్కడ ఇంటర్వ్యూలు విరివిగా ఇస్తారు. సినిమా రిలీజ్ అయిన తర్వాత రెస్పాన్స్ ని బట్టి వెంటనే థాంక్స్ మీట్ పెడతారు. అయితే అమరన్ విషయానికి వచ్చేసరికి షెడ్యూల్ చాలా టైట్ అయిపోయింది. కేవలం ఒకే ఒక్క రోజు తెలుగు ప్రమోషన్స్ కి కేటాయించారు. ఆరోజే ప్రీరిలీజ్ ఈవెంట్ తో పాటు అందుబాటులో ఉన్న మీడియాలకి ఇంటర్వ్యూలు ఇచ్చారు శివ, సాయి పల్లవి అండ్ టీం.
ఇప్పుడు సినిమా రిలీజ్ అయి పాజిటివ్ టాక్ తెచ్చుకుంది. మంచి ఎమోషనల్ కంటెంట్ అనే ప్రశంసలు వచ్చాయి. సినిమా చూసిన వాళ్ళు పాజిటివ్ గానే రెస్పాండ్ అవుతున్నారు. అయితే ఈ విషయాన్ని టీం మీడియాకి, ఆడియన్స్ కి టీం ఇంకా కమ్యూనికేట్ చేయలేదు.
దీపావళికి రిలీజ్ అయిన సినిమాలు అన్ని దాదాపుగా సక్సెస్ మీట్ పెట్టుకున్నాయి. లక్కీ భాస్కర్ నిర్మాతలు ఆడియన్స్ రెస్పాన్స్ కి థాంక్స్ చెప్పారు. అటు కిరణ్ అబ్బవరం ‘క’ సక్సెస్ మీట్ కూడా జరిగింది. అమరున్ టీం మాత్రం ఇంకా మీడియా ముందుకు రాలేదు.
సినిమా గురువారం వచ్చింది కాబట్టి శనివారం అయినా సరే ఒక మీడియా మీట్ ఉంటే ఆ సందడి వేరుగా ఉండేది. సోమవారం నుంచి మళ్లీ డ్రైడే అయిపోతుంది. నిజానికి ప్రెస్ మీట్ పెట్టాలని తెలుగులో సినిమాని రిలీజ్ చేసిన సుధాకర్ రెడ్డి తో పాటు ఇక్కడ టీమ్ అంతా రెడీగా ఉంది. కానీ సాయి పల్లవి శివ కార్తికేయన్ అందుబాటులో లేరని తెలుస్తోంది.
అలాగే ఈ సినిమా టీంలో చాలా మంది మీడియాతో ముచ్చటించలేదు. రిలీజ్ తర్వాత పేపర్,ఛానల్స్ ఇంటర్వ్యూ లు ప్లాన్ చేశారు. కానీ టీంలో కీలక సభ్యుల షెడ్యుల్ కుడలేదు. ఏదేమైనా ఈ రోజుల్లో సక్సెస్ ని సక్సెస్ అని చెప్పుకోవడం కూడా చాలా ఇంపార్టెంట్. మరీ ఇంపార్టెంట్ పని అమరన్ టీం ఎప్పుడు చేస్తుందో.
