రచయితలు, దర్శకులు నటులుగా మారితే ఓ సౌలభ్యం ఉంటుంది. నటనతో పాటు మాటని, సన్నివేశాన్ని రక్తికట్టించడంలో ఓ చేయివేస్తారు. నిర్మాత, దర్శకుడితో మంచి సాన్నిహిత్యం వుంటే ఒక వెర్షన్ కూడా రాసిచ్చేస్తారు. ఇప్పుడు తరుణ్ భాస్కర్ కూడా ఇలానే ఓ సినిమాకి పని చేశారు.
మలయాళంలో విజయం సాధించిన సినిమా జయ జయ జయహే. ఈ సినిమాని తెలుగులో తరుణ్ భాస్కర్ లీడ్ రోల్ లో రీమేక్ చేస్తున్నారు. ఇషారెబ్బా హీరోయిన్. ఈ సినిమాకి ఓం శాంతి శాంతి శాంతి అనే టైటిల్ ని అనుకుంటున్నారు.
ఈ కథని తెలుగు అభిరుచి కి తగ్గట్టుగా మలచడం లో తరుణ్ భాస్కర్ హస్తం వుంది. మొదట కేవలం నటుడిగానే ప్రాజెక్ట్ లోకి వచ్చారు తరుణ్. అయితే ఈ సినిమా నిర్మాతలు తరుణ్ భాస్కర్ స్నేహితులే. ఆ స్నేహంతో మాటలు, ట్రీట్మెంట్ ని కూడా అందించారని తెలుస్తోంది. అయితే టైటిల్ క్రెడిట్స్ లో ఆయన పేరు వుండకపోవచ్చు. సినిమా దాదాపు పూర్తి కావచ్చింది. తర్వలోనే రిలీజ్ డేట్ ని రివిల్ చేస్తారు.
