దీపావళికి హిట్ టాక్ తెచ్చుకున్న సినిమాల్లో శివకార్తికేయన్, సాయి పల్లవి అమరన్ సినిమా కూడా వుంది. కమల్ హాసన్ నిర్మించిన ఈ సినిమాని తెలుగులో నితిన్ ఫాదర్ సుధాకర్ రెడ్డి రిలీజ్ చేశారు. కలెక్షన్స్ డీసెంట్ గా వున్నాయి. 20కోట్లు దాటేసిందని సుధాకర్ రెడ్డి చెప్పారు. ఈ రోజు జరిగిన సక్సెస్ మీట్ లో హీరో నితిన్ కూడా పాల్గొన్నారు.
సక్సెస్ మీట్ లో నితిన్ చేసిన కామెంట్స్ కాస్త ఆసక్తికరంగానే వున్నాయి. ఈ సినిమాకి నేషనల్ అవార్డ్ పక్కా అన్నారు. డబ్బింగ్ సినిమాలా కాకుండా స్ట్రయిట్ సినిమాలా ఈ సినిమాని చూస్తున్నారని చెప్పారు. ఇక్కడే కలెక్షన్స్ గురించి ఓ కామెంట్ చేశారు. అమరన్ మరో వీక్ లో విక్రమ్ లైఫ్ టైమ్ కలెక్షన్ ని క్రాస్ చేస్తుందని ధీమా వ్యక్తం చేశారు.
కమల్ హసన్ విక్రమ్ ని తెలుగులో నితిన్ ఫాదర్ రిలీజ్ చేశారు. ఈ సినిమా తెలుగులో దాదాపు 37 కోట్లుగ్రాస్ చేసినట్లు గణాంకాలు వున్నాయి. ఈ నెంబర్ ని క్రాస్ చేయడానికి మరో వారమే పడుతుందని నితిన్ చెప్పడం కాస్త ఆశ్చర్యంగానే వుంది.
విక్రమ్ కమల్ హాసన్, ఫహద్ ఫాజిల్, లొకేషన్ కనకరాజ్, అనిరుద్.. ఇలా భారీ బ్యాకింగ్ వున్న సినిమాగా వచ్చింది. అమరన్ కి స్పెషల్ ఎట్రాక్షన్ శివకార్తికేయన్, సాయి పల్లవే. పైగా అమరన్ కి పోటీగా లక్కీ భాస్కర్, క సినిమాలు కూడా ఆడుతున్నాయి. ఇలాంటి సందర్భంలో కూడా అమరన్ ఆ ఫీటు సాధిస్తే.. అదొక అద్భుతమే అనుకోవాలి.
