కమల్‌ హాసన్‌ హీరోగా మణిరత్నం దర్శకత్వంలో తెరకెక్కుతున్న సినిమా ‘థగ్‌ లైఫ్‌’. ఈ సినిమాలో రంగరాయ శక్తివేల్‌ నాయకర్‌ పాత్రలో కనిపిస్తున్నారు కమల్. తనొక క్రిమినల్‌.. దొంగ.. గ్యాంగ్‌స్టర్‌.

ఈ సినిమా రిలీజ్ డేట్ కోసం ఎన్నో రోజుల నుంచి అభిమానులు ఎదురుచూస్తున్నారు. నేడు కమల్ బర్త్‌డే సందర్భంగా టీమ్‌ రిలీజ్ అప్‌డేట్‌ ఇచ్చింది. వచ్చే ఏడాది జూన్‌ 5న ఈ చిత్రం ప్రేక్షకుల ముందుకురానుంది.

రిలీజ్‌ డేట్‌ ప్రకటిస్తూ ఓ టీజర్‌ విడుదల చేశారు. దీని కోసం ఓ యాక్షన్‌ సీక్వెన్స్‌ను డిజైన్‌ చేశారు. కమల్, శింబు పాత్రల నేపధ్యంలో సాగిన ఈ టీజర్ ఇంట్రస్టింగ్ గా వుంది. పాన్ ఇండియా సినిమాలన్నీ యాక్షన్ కి పెద్దపీట వేస్తూ వస్తున్నాయి. ఈసారి మణిరత్నం కూడా తన మార్క్ లోనే మాస్ యాక్షన్ ని చూపించేలా ఈ సినిమాని తీర్చిదిద్దుతున్నారని టీజర్ చూస్తే అర్ధమౌతోంది. ఏఆర్‌ రెహమాన్‌ బీజీఎం మరో ఆకర్షణ.

ఈ సినిమాలో దుల్కర్‌ సల్మాన్‌, జయం రవి కీలక పాత్రలు పోషిస్తున్నారు. త్రిష కథానాయిక. ‘నాయకన్‌’ లాంటి హిట్‌ తర్వాత కమల్‌, మణిరత్నం నుంచి వస్తున్న చిత్రంపై మంచి అంచనాలు వున్నాయి.