అనుష్క ‘భాగమతి’ తర్వాత మళ్ళీ సోలోగా విజ్రుభించడానికి సిద్ధమైయింది. క్రిష్ డైరెక్షన్ లో చేస్తున్న ఘాటి సినిమాలో ఇంతముందేన్నడూ చేయని పాత్రలో కనిపిస్తోంది. అనుష్క పుట్టినరోజు కానుకగా ఈ సినిమా గ్లింప్స్ వదిలారు. ఈ గ్లింప్స్ గురించి ఒక్కమాటలో చెప్పాలంటే స్వీటీ బ్లడ్ బాత్ అని చెప్పొచ్చు.

డ్రగ్స్ మాఫియా చుట్టూ తిరిగే క‌థ ఇది. గ్లింప్స్ లో ఆ బ్యాక్ డ్రాప్ ని పరిచయం చేశారు. ఒక ట్రైబల్ ఏరియాలో జనసమూహం కొండపైకి ఎదో వస్తువుని రవాణా చేస్తుంటారు. అనుష్క ఓ బస్సులో చొరబడి ఓ వ్యక్తి తల నరికి, ఆ తలని పట్టుకొని నడుస్తూ వచ్చే గ్లింప్స్ ఆ పాత్ర, కథపై చాలా క్యురియాసిటీని క్రియేట్ చేసింది. అనుష్క లుక్ టెర్రిఫిక్ గా వుంది.

వేదం తర్వాత అనుష్క, క్రిష్ కాంబినేషన్ లో వస్తున్న సినిమా ఇది. ప్రతీకారం ఈ కథలో మెయిన్ ఎలిమెంట్. అనుష్క పాత్ర ఈ కథలో భిన్న కోణాల్లో కనిపిస్తుంది. బాధితురాలుగా క్రిమినల్ గా చివరికి ఒక ఏరియాకి లెజెండ్ గా మారే ఆ పాత్ర చుట్టూ జరిగే కథ ఇది. క్రిష్ ఆస్థాన రచయిత సాయి మాధవ్ బుర్ర ఈ సినిమాకి మాటలు రాస్తున్నారు. సినిమా ప్రొడక్షన్ చివరి దశకు వచ్చింది. 2025 ప్రధమార్ధంలో సినిమా ప్రేక్షకుల ముందుకు వచ్చే అవకాశం ఉంది.