ప్ర‌స్తుతం ‘సంక్రాంతికి వ‌స్తున్నాం’ సినిమాతో బిజీగా ఉన్నాడు వెంక‌టేష్‌. ఈ సంక్రాంతికి ఈ చిత్రాన్ని విడుద‌ల చేస్తున్నారు. ఈరోజు నుంచే ప్ర‌మోష‌న్ కార్య‌క్ర‌మాల‌కు శ్రీ‌కారం చుడుతున్నారు. జ‌న‌వ‌రి 14న ఈ చిత్రాన్ని విడుద‌ల చేసే అవ‌కాశం ఉంది. రిలీజ్ డేట్ పై ఈ రోజు ఓ స్ప‌ష్ట‌త వ‌స్తుంది.
మ‌రోవైపు వెంకీ కొత్త సినిమాకు సంబంధించిన స‌న్నాహాలు పూర్తి కావొస్తున్నాయి. ఆయ‌న విమ‌ల్ కృష్ణ క‌థ‌కు ఓకే చెప్పిన‌ట్టు స‌మాచారం అందుతోంది. ‘డీజే టిల్లు’ చిత్రానికి ద‌ర్శ‌క‌త్వం వ‌హించారు విమ‌ల్ కృష్ణ. ఆ సినిమా సూప‌ర్ హిట్ అయ్యింది. అయితే ‘డీజే టిల్లు 2’కి మాత్రం ఆయ‌న దూరంగా ఉన్నారు. అప్ప‌టి నుంచీ ఓ క‌థ రెడీ చేసుకొని హీరోల చుట్టూ తిరుగుతున్నారు. చివ‌రికి వెంకీ ఈ క‌థ‌కు ఓకే చెప్పిన‌ట్టు తెలుస్తోంది. ‘టిల్లు’లా ఇది కూడా ఓ హిలేరియ‌స్ ఎంట‌ర్‌టైన‌ర్ అని స‌మాచారం. 2025 ప్రారంభంలో మొద‌లెడ‌తాతారు. అదే ఏడాది చివ‌ర్లో విడుద‌ల చేసే అవ‌కాశం ఉంది. ప్ర‌స్తుతం స్క్రిప్టు ప‌నులు జ‌రుగుతున్నాయి. చిట్టూరి శ్రీ‌నివాస్ ఈ చిత్రాన్ని నిర్మించే అవ‌కాశం ఉంది. న‌టీన‌టులు, ఇత‌ర సాంకేతిక నిపుణుల వివ‌రాలు త్వ‌ర‌లో తెలుస్తాయి.
