పుష్ప 2 రిలీజ్‌కి ద‌గ్గ‌ర ప‌డుతోంది. డిసెంబ‌రు 5న ఈ చిత్రాన్ని విడుద‌ల చేస్తున్నారు. ఈలోగా ప్ర‌మోష‌న్ కార్య‌క్ర‌మాల్ని సైతం ముమ్మ‌రం చేసింది చిత్ర‌బృందం. ఇటీవ‌లే పాట్నాలో ట్రైల‌ర్ విడుద‌ల చేశారు. రేపు (ఆదివారం) చెన్నైలో స్పెష‌ల్ సాంగ్ రిలీజ్ చేస్తున్నారు. ఈసారి కూడా భారీ ఎత్తున అభిమానులు హాజ‌ర‌య్యే అవ‌కాశం ఉంది. ఈ వేడుక‌కు అల్లు అర్జున్‌, ర‌ష్మిక‌ల‌తో పాటుగా ప్ర‌త్యేక గీతంలో న‌ర్తించిన శ్రీ‌లీల కూడా హాజ‌ర‌య్యే అవ‌కాశం ఉంది. నిజానికి పాట్నాలో ఈవెంట్ కే శ్రీ‌లీల వెళ్లాల్సింది. కానీ కుద‌ర్లేదు. ఈసారి మాత్రం ఆమె ఎంట్రీ ప‌క్కా అయ్యే అవ‌కాశం ఉంది. అంతే కాదు… వేదిక‌పై శ్రీలీల స్టెప్పులు కూడా వేయ‌బోతోంద‌ని తెలుస్తోంది. అందుకు సంబంధించిన రిహార్స‌ల్స్ హైద‌రాబాద్ లో జ‌రుగుతున్నాయి. గాయ‌ని సుభ్లాషిని, రాజ‌ల‌క్ష్మి పుష్ప‌లోని పాట‌లు పాడి అల‌రించ‌బోతున్నారు. న‌టి, గాయ‌ని ఆండ్రియా ఊ అంటావా పాట‌కు స్టెప్పులు వేయ‌బోతోంది. మొత్తానికి ఈ ఈవెంట్ ని ఓ మ్యూజిక‌ల్ ట్రీట్ గా మార్చేసింది చిత్ర‌బృందం.

మ‌రోవైపు పుష్ప 2 వాయిదా ప‌డ‌బోతోందంటూ వార్త‌లు చ‌క్క‌ర్లు కొడుతున్నాయి. పోస్ట్ ప్రొడ‌క్ష‌న్ ప‌నులు ఇంకా పూర్త‌వ్వ‌ని కార‌ణంగా ఈ చిత్రాన్ని క‌నీసం వారం రోజులు వాయిదా వేయాల‌ని చూస్తున్నార‌ని బాలీవుడ్ మీడియాలో వార్త‌లు వ‌స్తున్నాయి. వీటిపై చిత్ర‌బృందం స్పందించ‌డం లేదు. ఎట్టిప‌రిస్థితుల్లోనూ డిసెంంబ‌రు 5నే ఈ చిత్రాన్ని విడుద‌ల చేయాల‌ని చూస్తున్నారు. సుకుమార్ అండ్ టీమ్ పోస్ట్ ప్రొడ‌క్ష‌న్ వ‌ర్క్ లో త‌ల‌మున‌క‌లై ఉంది. సుకుమార్ రేయింబ‌వ‌ళ్లూ ఎడిట్ సూట్ లోనే ఉంటున్నారు. పాట్నా ఫంక్ష‌న్ కి ఆయ‌న రాలేదు. చెన్నై ఈవెంట్ లోనూ ఆయ‌న క‌నిపించ‌క‌పోవొచ్చు.