ర‌చ‌యిత‌గా త‌న ప్ర‌యాణాన్ని మొద‌లెట్టాడు కృష్ణ‌భ‌గవాన్‌. ఆ త‌ర‌వాత న‌టుడిగా మారారు. న‌టుడిగా బిజీ అవ్వ‌డం వ‌ల్ల తాత్కాలికంగా పెన్ను ప‌క్క‌న పెట్టేశారు. ఇప్పుడు సుదీర్ఘ‌విరామం త‌ర‌వాత ఓ సినిమా కోసం క‌థ‌, మాట‌లు రాశారు. అల్లరి న‌రేష్ క‌థానాయ‌కుడిగా జాహ్న‌వి ఫిలిమ్స్ సంస్థ ఓ చిత్రాన్ని తెర‌కెక్కిస్తోంది. అవీష్ కృష్ణ ద‌ర్శ‌కుడు. ఈ చిత్రానికి కృష్ణ‌భ‌గ‌వాన్ క‌థ‌, మాట‌లు అందిస్తున్నారు. సెప్టెంబ‌రులో ఈ చిత్రం సెట్స్‌పైకి వెళ్ల‌నుంది. అలా ఎలా తో ద‌ర్శ‌కుడిగా త‌న‌ని తాను ప్రూవ్ చేసుకొన్న అవీష్ కృష్ణ‌కు ఇది రెండో సినిమా. క‌థ‌నాయిక‌నీ, మిగిలిన సాంకేతిక నిపుణుల వివ‌రాల్ని త్వ‌ర‌లో ప్ర‌క‌టిస్తారు.

కొత్తత‌రం హ‌వాతో.. కృష్ణ‌భ‌గ‌వాన్ జోరు బాగా త‌గ్గింది. ఆయ‌న కామెడీ పంచ్‌లు ఈమ‌ధ్య పేల‌డం లేదు. న‌టుడిగా త‌న ఇన్నింగ్స్ చాలా స్లోగా సాగుతోంది. అందుకే రైట‌ర్‌గా త‌న‌ని తాను మ‌ళ్లీ ప‌రీక్షించుకోవాల‌నుకొంటున్నాడు కృష్ణ‌భ‌గ‌వాన్‌. న‌టుడిగా బిజీగా ఉన్న‌ప్పుడు భ‌గ‌వాన్‌కి రైట‌ర్‌గా చాలా ఆఫ‌ర్లు వ‌చ్చాయి. అయితే.. అప్ప‌ట్లో టైమ్ స‌రిపోక ఒప్పుకోలేదు. ఇప్పుడు మ‌ళ్లీ రైట‌ర్‌గా త‌న ప్ర‌తాపం చూపించాల‌నుకొంటున్నాడు. మ‌రి కృష్ణ‌భ‌గ‌వాన్ పంచ్‌లో ప‌దును త‌గ్గిందో లేదో తెలియాలంటే ఇంకొంత కాలం ఆగాలి.