అల్లు అర్జున్‌కీ ప‌వ‌న్ క‌ల్యాణ్ ఫ్యాన్స్‌కీ మొన్నామ‌ధ్య సోష‌ల్ మీడియా సాక్షిగా జ‌రిగిన ర‌భ‌స జ‌రిగిన విష‌యం గుర్తుండే ఉంటుంది. మాట్లాడ‌ను బ్ర‌ద‌ర్‌.. అన్న పాపానికి బ‌న్నీపై బోల్డ‌న్ని సెటైర్లు విమ‌ర్శ‌లు గుప్పించారు. ఆ త‌ర‌వాత‌.. బ‌న్నీ మ‌ళ్లీ ప‌వ‌న్ ఫ్యాన్స్‌కి ప్ర‌త్యేకంగా వివ‌ర‌ణ ఇచ్చుకోవాల్సివ‌చ్చింది. వేదిక‌ల‌పై మిగిలిన వాళ్లు మాట్లాడుతున్న‌ప్పుడు ప‌వ‌ర్ స్టార్‌.. ప‌వ‌ర్ స్టార్ అని అర‌వ‌కండి.. అంటూ ఫ్యాన్స్‌ని వేడుకొన్నాడు బ‌న్నీ. ఆ వివ‌ర‌ణ‌తో ప‌వ‌ర్ స్టార్ ఫ్యాన్స్ సంతృప్తి ప‌డ‌తారేమో అనుకొన్నారంతా. కానీ బ‌న్నికి మ‌ళ్లీ ఆ షాక్ త‌ప్ప‌లేదు.

సైమా అవార్డు వేడుక‌ల్లో భాగంగా అల్లు అర్జున్ ఉత్త‌మ స‌హాయ‌న‌టుడి అవార్డు ద‌క్కింది. బ‌న్నీ అవార్డు తీసుకొని, మాట్లాడ‌డం మొద‌లెట్టేస‌రికి.. ప‌వ‌ర్ స్టార్ ఫ్యాన్స్ కొంత‌మంది `ప‌వ‌ర్ స్టార్ ప‌వ‌ర్ స్టార్‌` అంటూ అర‌చి గోల పెట్టారు. దాంతో బ‌న్నీ కాస్త అస‌హ‌నానికి గురైన‌ట్టు టాక్‌. ‘గ‌మ్మునుండ‌వ‌య్యా’ అంటూ రుద్ర‌మ‌దేవిలో త‌న డైలాగ్‌ని ఈ వేదిక‌పై బ‌న్నీ రిపీట్ చేయాల్సివ‌చ్చింది. కానీ.. ప‌వ‌న్ ఫ్యాన్స్ ఆగ‌లేదు. దాంతో.. చిన్న పాటి స్పీచ్‌తోనే బ‌న్నీ స‌రిపెట్టాల్సివ‌చ్చింది. మ‌ళ్లీ బ‌న్నీ వ‌ర్సెస్ ప‌వ‌న్ ఫ్యాన్స్ సెగ మొద‌లైంద‌న్న‌మాట‌. మ‌రి ఈసారి ఇది ఎక్క‌డ ఆగుతుందో?