న‌క్కిన త్రినాథ‌రావు `ధ‌మాకా`తో ఓ సూప‌ర్ హిట్ కొట్టాడు. ఈ సినిమా విజ‌యం ర‌వితేజ‌కు బూస్ట‌ప్ ఇచ్చింది. ఇప్పుడు న‌క్కిన `మ‌జాకా` తీస్తున్నాడు. సందీప్ కిష‌న్ హీరోగా న‌టించిన ఈ చిత్రం ఫిబ్ర‌వ‌రిలో విడుద‌ల కానుంది. ఈలోగా మ‌రో సినిమా మొద‌లెట్ట‌డానికి న‌క్కిన స‌న్నాహాలు చేస్తున్నాడు. ఈ చిత్రానికి `హురేకా` అనే టైటిల్ ఫిక్స్ చేసిన‌ట్టు స‌మాచారం.

హ‌వీష్ క‌థానాయ‌కుడిగా న‌టించ‌బోతున్న ఈ చిత్రాన్ని ఈనెల 31న లాంఛ‌నంగా ప్రారంభిస్తారు. నిజానికి ఎప్పుడో మొద‌లు కావాల్సిన సినిమా ఇది. ఏ స్టూడియో నుంచి నక్కిన ఎప్పుడో అడ్వాన్స్ తీసుకొన్నారు. ఆ సినిమాని పూర్తి చేయాల్సిన బాధ్య‌త ఇప్పుడు తీసుకొన్నారు. నిజానికి ఈ క‌థ‌తో మ‌రో ద‌ర్శ‌కుడు కొంత కాలం క్రిత‌మే సినిమా మొద‌లెట్టారు. అయితే ర‌షెష్ చూసుకొన్న త‌ర‌వాత‌.. సంతృప్తి లేక‌పోవ‌డంతో ఆ ప్రాజెక్ట్ ప‌క్కన పెట్టారు. ఇప్పుడు అదే క‌థ‌తో న‌క్కిన `హురేకా` తీస్తున్నారు. సాధార‌ణంగా న‌క్కిన త్రినాథ‌రావు చిత్రాల‌కు ప్ర‌స‌న్న‌కుమార్ బెజ‌వాడ రైట‌ర్‌. అయితే ఈ సినిమాకు మాత్రం ఓ కొత్త రైట‌ర్‌తో స్క్రిప్టు పూర్తి చేయించారు. న‌య‌న సారిక‌ని క‌థానాయిక‌గా ఎంచుకొన్నార‌ని స‌మాచారం. త్వ‌ర‌లో పూర్తి వివ‌రాలు తెలుస్తాయి.