ఇజం.. ఈ టైటిల్‌తోనే స‌గం మార్కులు కొట్టేశాడు పూరి జగన్నాథ్. టైటిల్‌లోగో చూస్తే.. ఈ ప్ర‌పంచంలో పాపులారిటీ సంపాదించుకొన్న అన్ని ఇజాలూ క‌నిపిస్తాయి. అయితే వాటితో పాటు కంటికి క‌నిపించ‌ని ఆ `ప‌వ‌నిజం` గురించి కూడా పూరి ప్ర‌స్తావించ‌బోతున్నాడ‌ని టాక్‌. ప‌వ‌న్ క‌ల్యాణ్ అంటే పూరికి ముందు నుంచీ ఎంతో అభిమానం. పూరి కెరీర్ ప‌వ‌న్ సినిమా బ‌ద్రి నుంచి మొద‌లైంది. కెమెరామెన్ గంగ‌తో రాంబాబు త‌ర‌వాత ఈ స‌మీక‌ర‌ణాల్లో మార్పు వ‌చ్చింది. ప‌వ‌న్‌తో ఇంకెప్పుడూ సినిమా చేయ‌ను.. అనే వైల్డ్ డిజీస‌న్ తీసుకొన్నాడు పూరి జగన్నాథ్. ఇద్ద‌ర‌మ్మాయిల‌తో సినిమాలో ప‌వ‌న్ ఫ్యాన్స్‌పై సెటైర్ వేయ‌డానికి కూడా వెనుకంజ వేయ‌ని పూరి.. ఇజం పేరుతో చ‌లామ‌ణీలో ఉన్న ప‌వ‌న్ భావాల్ని ఈ సినిమాలో టార్గెట్ చేయ‌బోతున్నాడ‌ని టాక్‌. దాంతో ఇజం సినిమా ఎలా ఉండ‌బోతోందా? అనే ఆస‌క్తి నెల‌కొంది.
పూరిది స్ట్ర‌యిట్‌గా గురి చేసే ప‌ద్ధ‌తి. డొంక తిరుగుడు ఉండదు.. ఇజం గురించి తాను న‌మ్మిందేదో నిక్క‌చ్చిగా డైలాగుల రూపంలో చెప్పేయ‌గ‌ల‌డు కూడా. మ‌రి పూరి డైలాగుల్లో `ప‌వ‌నిజం` ఎలా ఉండ‌బోతోంది? ఎవ‌రిపై కౌంట‌ర్ వేయ‌బోతన్నాడు? మ‌రి ప‌వ‌న్ ఫ్యాన్స్ ఎలా స్పందిస్తారు? అనే విష‌యాలు ఇప్పుడు ఆస‌క్తిక‌రంగా మారాయి. మ‌రి పూరి ఏం చెప్తాడో..???
