హీరో నితిన్ తెలుగు సినీ పరిశ్రమలో ఇంతవరకు కొన్ని ఎదురు దెబ్బలు తగిలినా బాగానే నిలద్రొక్కుకొన్నాడు. ఒకవైపు సినిమాలలో నటిస్తూనే మరోవైపు వేరే హీరోలతో సినిమాలు నిర్మించడం విశేషం. అక్కినేని అఖిల్ నటిస్తున్న చిత్రాన్ని తన శ్రేష్ఠ బ్యానర్లో నిర్మిస్తున్నాడు. ఆ సినిమా అక్టోబర్ 21న విడుదల చేసేందుకు ఏర్పాట్లు చేసుకొంటున్నాడు. అది కాకుండా సురియా, సామంత జంటగా నటిస్తున్న తమిళ సినిమా ‘24’ ని తెలుగులో విడుదల చేసేందుకు శ్రేష్ట బ్యానర్ మరియు గ్లోబల్ సినిమా సంస్థ కలిసి చాలా భారీ మొత్తం చెల్లించి హక్కులు స్వంతం చేసుకొన్నాడు. ఈ సినిమాలో తెలుగు నటుడు అజయ్ చాలా ముఖ్యమయిన పాత్ర పోషిస్తున్నాడు. అక్కినేని హీరోలు కలిసి నటించిన ‘మనం’ సినిమాకి దర్శకుడుగా చేసిన విక్రమ్ కుమార్ ఈ ‘24’ సినిమాకి దర్శకత్వం వహించారు. ఈ సినిమాలో హీరోగా నటిస్తున్న సురియా తన స్వంత బ్యానర్ అయిన 2డి ఎంటర్టెయిన్మెంట్ బ్యానర్ లో స్వయంగా నిర్మిస్తున్నాడు. దీనికి సుప్రసిద్ధ సంగీత దర్శకుడు ఏఆర్ రహమాన్ సంగీతం అందిస్తున్నారు.