సినీ వారసులు తమ సినిమాలకు సంబంధించి ప్రతి కార్యక్రమమూ.. వారి తండ్రుల, తాతల పుట్టిన రోజులకు, ఇతర ముఖ్యమైన తారీఖులకూ అనుగుణంగా జరిగిపోతున్నాయి టాలీవుడ్ లో. ముందు తరం వారి పుట్టిన రోజుల సందర్భంగా సినిమాలు విడుదల కావడం, లేదా ఫస్ట్ లుక్ లనో, టీజర్ లనో విడుదల చేయడం టాలీవుడ్ లో ఆనవాయితీగా మారింది. ఇలాంటి సందర్భాలను ఇలా సెలబ్రేట్ చేయడం ద్వారా అభిమానులను ఉత్సాహపరుస్తూ.. తమ సినిమాపై వారిలో ఆసక్తిని రేకెత్తించడానికి ప్రయత్నాలు జరుగుతున్నాయి. ఈ నేపథ్యంలో చరణ్ కూడా అదే బాటనే అనుసరిస్తున్నాడు.
ఇది వరకూ కూడా చరణ్ సినిమాలకు సంబంధించిన పలు కార్యక్రమాలు చిరంజీవి పుట్టిన రోజు సందర్భంగా జరిగినవి ఉన్నాయి. కేవలం చిరంజీవి విషయంలోనే కాదు.. బాబాయ్ పవన్ కల్యాణ్ బర్త్ డేని కూడా ఈ సారి ఒక శుభ ముహూర్తంగా మార్చుకోనున్నాడట పవన్ కల్యాణ్. ప్రస్తుతం షూటింగ్ దశలో ఉన్న చరణ్ సినిమా “ధ్రువ’’ ఫస్ట్ లుక్ ను పవర్ స్టార్ పవన్ కల్యాన్ పుట్టిన రోజు సందర్భంగా విడుదల చేయనున్నారని సమాచారం.
సెప్టెంబర్ రెండో తేదీన పవన్ కల్యాన్ పుట్టిన రోజు. ఆ లోపు ధ్రువ షూటింగ్ కూడా ఒక కొలిక్కి రానుంది. దీంతో పవన్ పుట్టిన రోజు ఈ సినిమా ఫస్ట్ లుక్ విడుదలకు మంచి హుహూర్తం అని భావిస్తున్నారు. ఎలాగూ ఆ సందర్భం అభిమానులను బాగా ఉత్సాహపరిచేదే అవుతుంది. కాబట్టి దాన్ని అలా ఉపయోగించుకోనున్నాడు చరణ్. మెత్తానికి ఈ ఏడాది సెప్టెంబర్ రెండు మెగాభిమానులకు డబుల్ పండగే అనమాట.
