నానితోనూ, నితిన్‌తోనూ జోడీ క‌ట్టింది నిత్య‌మీన‌న్‌. నితిన్‌తో అయితే ఏకంగా రెండు సినిమాలు చేసింది. అవ‌న్నీ హిట్టే. దాంతో వీళ్లు హిట్ కాంబినేష‌న్ అయిపోయారు. అయితే నాని, నితిన్‌, నిత్య‌మీన‌న్ క‌ల‌సి ఓ సినిమా చేయాల‌న్న ఆశాభావం వ్య‌క్తం చేస్తున్నారు. అందుకు త‌గిన క‌థ సిద్ధ‌మైందో లేదో గానీ.. నాని, నితిన్ ల‌కు మాత్రం నిత్య‌తో మ‌రో సినిమా చేయాల‌ని ఉంద‌ట‌. అయితే ఈసారి ముగ్గురూ క‌ల‌సి న‌టిస్తే బాగుంటుంద‌న్న కోరిక‌ను వ్య‌క్తం చేస్తున్నారు. 100 డేస్ ఆఫ్ ల‌వ్ చిత్రం ఆడియో ఫంక్ష‌న్‌కి ముఖ్య అతిథులుగా వెళ్లారు నాని, నితిన్‌. అక్క‌డ నిత్య‌ను పొగ‌డ్త‌ల వ‌ర్షంలో ముంచేశారు.నిత్య‌తో మ‌ళ్లీ న‌టించాల‌ని ఉంద‌న్న కోరిక‌ను వ్య‌క్తం చేశారు. నితిన్ అయితే `నేను ఇప్ప‌టి వ‌ర‌కూ ప‌నిచేసిన క‌థానాయిక‌ల‌లో నిత్య‌నే ఉత్త‌మ న‌టి` అని కితాబు కూడా ఇచ్చేశాడు,

నాని కూడా అంతే. నిత్య‌తో ఎవ‌రు సినిమా చేసినా అది మ‌ల్టీస్టార‌ర్ సినిమానే అవుతుంద‌ని, నిత్య పాత్ర హీరోల‌కు మించి ఉంటుంద‌ని నిత్య‌ని పొగిడేశాడు. నిత్య కూడా నాని, నితిన్‌ల‌తో ఓ సినిమా చేయాల‌నివుంద‌ని మ‌న‌సులోని మాట బ‌య‌ట‌పెట్టేసింది. సో.. మ‌ల్టీస్టార‌ర్ సినిమాకి ఈ ముగ్గురూ రెడీ అన్న‌మాట‌. మ‌రి ద‌ర్శ‌కుడెవ‌రో.. ఆ క‌థ ఎప్పుడు త‌యారువుతుందో.. చూడాలి.