జ‌న‌తా గ్యారేజీ సినిమా వాయిదా ప‌డ‌బోతోందా? ఆగ‌స్టు 12న రావాల్సిన ఎన్టీఆర్ సినిమా సెప్టెంబ‌రుకి వెళ్లిపోయిందా? ఆ అవ‌కాశాలున్నాయంటున్నాయి టాలీవుడ్ వ‌ర్గాలు. సాంకేతిక కార‌ణాల వ‌ల్ల జ‌న‌తా గ్యారేజీ విడుద‌ల‌ను వాయిదా వేయాల‌ని చిత్ర‌బృందం నిర్ణ‌యం తీసుకొన్న‌ట్టు స‌మాచారం. ఈ రోజు మ‌రికొద్ది సేప‌ట్లో జ‌న‌తా గ్యారేజీ టీమ్ హైద‌రాబాద్‌లో అర్జెంట్ ప్రెస్ మీట్‌ని ఏర్పాటు చేసింది. ఆ ప్రెస్ మీట్‌లో జ‌న‌తా గ్యారేజ్ కొత్త రిలీజ్ డేట్ ప్ర‌క‌టిస్తార‌ని స‌మాచారం. ఎన్టీఆర్ అభిమానుల‌కు ఇది చేదు వార్తే. కానీ మేకింగ్ విష‌యంలో జ‌న‌తా గ్యారేజ్ టీమ్ రాజీ ప‌డ‌క‌పోవ‌డం వ‌ల్లే… ఈ ఆల‌స్యం జ‌రుగుతోంద‌ని స‌మాచారం. జ‌న‌తా గ్యారేజ్ ప‌క్క‌కు త‌ప్పుకొంటే… మిగిలిన చాలా సినిమాల‌కు మార్గం దొరికిన‌ట్టు అవుతుంది. జ‌న‌తా గ్యారేజ్ వాయిదా వ‌ల్ల‌.. టాలీవుడ్‌లో ఇప్పుడు కొత్త సినిమాలు రిలీజ్ డేట్‌పై ఓ క్లారిటీకి రావ‌డం ఖాయం. జ‌న‌తా గ్యారేజ్ ఎందుకు ఆల‌స్య‌మైంద‌న్న సంగ‌తి.. మ‌రి కొద్ది సేప‌ట్లో చిత్ర‌బృందం అధికారికంగా ప్ర‌క‌టించే అవ‌కాశం ఉంది. సో… త‌దుప‌రి అప్ డేట్స్ కోసం తెలుగు 360 చూస్తూనే ఉండండి.