క‌బాలి.. క‌బాలి.. క‌బాలి..

అంద‌రినోటా.. ఈ మాటే. క‌బాలి మ‌రి కొద్ది గంటల్లో థియేట‌ర్ల‌లో శివ‌తాండ‌వం ఆడేయ‌డానికి రెడీ అయిపోయింది. ప్రీమియ‌ర్ షోల హంగామా మొద‌లైపోయింది. ఫ్యాన్స్ షోల కోసం థియేట‌ర్లు ముస్తాబ‌వుతున్నాయి. ఈలోగా క‌బాలి ఇంట్ర‌డ‌క్ష‌న్ సీన్ లీకైంది. ఫేస్ బుక్‌, ట్విట్ట‌ర్‌, వాట్స‌ప్‌ల‌లో సంద‌డి చేస్తోంది. జైల్లో ఉన్న ర‌జ‌నీ.. ఖైదీ దుస్తుల్లో బ‌య‌ట‌కు వ‌స్తాడు.. రిలీజ్ అయి.. సూటూ బూటూ వేసుకొని క‌బాలీ అయిపోతాడు. ఈ ఇంట్ర‌డ‌క్ష‌న్ సీన్‌ని చాలా నీట్‌గా… ర‌జనీ అభిమానులకు న‌చ్చే విధంగా షూట్ చేశారు. నిన్న అమెరికాలో కొన్ని చోట్ల ప్ర‌త్యేక ప్ర‌ద‌ర్శ‌న‌లు వేశారు. అక్క‌డే థియేట‌ర్లో ఎవ‌రో ఈ స‌న్నివేశాన్ని షూట్ చేసి.. అప్‌లోడ్ చేసిన‌ట్టు తెలుస్తోంది. క‌బాలి మేకింగ్ వీడియోలు, టీజ‌ర్లు, ఇప్పుడు ఈ ఇంట్ర‌డ‌క్ష‌న్ సీన్‌.. క‌బాలిపై మ‌రిన్ని అంచ‌నాలు పెంచేస్తున్నాయి. క‌బాలి ఫీవ‌ర్‌ని మ‌రింత హైప్‌కి తీసుకెళ్తున్నాయి. మ‌రి ఫ‌లితం ఎలా ఉంటుందో చూడాలి.